Levitikas 26:5 - Pijin Bible

⁵ So, bae yufala save garem staka kaikai winim wanem yufala save tingim. An bae yufala garem staka frut blong grep tri winim wanem yufala save tingim. An long ples blong yufala bae yufala fulap fogud long kaikai, an bae yufala save stapgud.

Pijin Deuterocanon

⁵ So, bae yufala save garem staka kaikai winim wanem yufala save tingim. An bae yufala garem staka frut blong grep tri winim wanem yufala save tingim. An long ples blong yufala bae yufala fulap fogud long kaikai, an bae yufala save stapgud.

Levitikas 26:5 Iomraidhean Croise

Sams 144:13

Letem olketa gaden blong mifala i garem plande kaikai, An letem olketa sipsip blong mifala i garem staka taosen pikinini.

Sams 90:1

Masta, stat kam long bifoa ka-kam kasem tude, yu nao yu olsem hom blong mifala.

Eksodas 16:8

Tude long ivining, bae Yawe hemi givim mit long yufala, an tumoro long moning, bae hemi givim staka bred long yufala fitim wanem yufala laekem. Bae Yawe hemi duim olsem bikos hemi herem finis, wea yufala gohed fo komplen agensim hem. ?Mitufala hu ya? Yufala save, taem yufala komplen agensim mitufala, yufala barava komplen agensim Yawe nomoa ya.”

Provebs 1:33

Bat olketa hu i lisin long mi, bae olketa stap gud olowe. Ya, bae olketa no fraetem enisamting.”

Provebs 18:10

Nem blong Yawe hemi olsem wanfala sefples, olketa stretfala pipol save go haed long hem.

Aesaea 1:19

Sapos yufala obeim mi, bae mi mekem yufala fo stap gudfala an yufala save garem olketa gudfala kaikai long olketa gaden blong yufala.

Aesaea 30:23

Long datfala taem, bae Yawe hemi sendem kamdaon ren fo mekem olketa samting wea yufala i plantem long gaden fo grou gudfala. Bae yufala garem plande kaikai, an olketa animol blong yufala bae i garem plande gras fo kaikaim tu.

Jeremaea 23:6

Long taem wea hemi rul olsem king, bae hemi sevem olketa blong mi long Jiuda, an olketa blong mi long Israel bae i stap sef. An nem blong hem wea bae olketa kolem hem, hemi olsem, ‘Yawe Sedekenu.’

Hosia 2:18

“Long datfala taem, bae mi mekem wanfala strongfala agrimen wetem olketa wael animol, an olketa bed, olketa samting wea i krol long graon, mekem olketa no save kam moa fo spoelem olketa pipol blong mi. An naef fo faet, an bou, an evri narafala samting moa fo faet, bae mi tekemaot finis from lan blong olketa. An bae mi mekem olketa pipol blong mi fo stap gudfala long piis.

Hosia 2:20

Bae mi mekem yu fo kamap moa olsem waef blong mi wea mi no save lusim yu, an bae yu barava luksave, wea mi nao Yawe.

Joel 2:19

Bae Yawe hemi ansarem prea blong olketa olsem, “Distaem bae mi givim moa olketa kaikai an waen an oliv oel long yufala, mekem yufala save hapi moa. An olketa pipol blong olketa narafala kantri bae i no save toknogud moa long yufala.

Joel 2:22

!Yufala olketa wael animol! Yufala mas no fraet. Distaem olketa gras i grou gudfala moa fo yufala kaikaim. Olketa tri i gohed moa fo garem frut. An olketa fig tri an grep tri tu i garem moa plande frut long olketa.

Joel 2:26

Long datfala taem, bae yufala hapi bikos yufala garem moa plande kaikai. Bae yufala mekhae long nem blong mi Yawe, hu mi God blong yufala, bikos mi nao mi duim olketa gudfala samting fo yufala. An bae no eniwan save meksem moa long yufala.

Emos 9:13

Yawe hemi tok moa olsem, ?Wanfala de, bae graon hemi kamap gud moa, an kaikai bae hemi staka fogud long olketa gaden, an bae olketa pipol i no naf nao fo tekemaot. Long datfala taem tu, bae olketa frut blong olketa grep tri i plande fogud, an bae olketa man i no naf nao fo wakem waen long hem. An olketa save mekem staka waen tumas wea hemi luk olsem wea wata blong olketa frut ya hemi ran kam daon long saet long olketa hil an hemi mekem graon sof.? Hem nao mesij blong Yawe.

Matiu 23:37

Nao Jisas hemi tok moa olsem, “!Jerusalem, Jerusalem! Yu nao yu kilim dae olketa profet, an yu sutim dae olketa niusman blong God long ston. Plande taem mi laekem yufala fo kam long mi, mekem mi lukaftarem yufala, olsem taem kokorako hemi haedem olketa smolfala pikinini blong hem andanit long wing blong hem. Bat yufala nating wiling nomoa.

Aposol 14:17

Bat nomata olsem, oltaem nomoa hemi barava somaot hem seleva long evri pipol long olketa gudfala samting hemi duim. Hem nao hemi givim yufala ren wea hemi foldaon kam long skae, an hemi mekem olketa kaikai fo garem frut long taem blong hem. Ya, hemi givim yufala plande kaikai, an hemi mekem tingting blong yufala fo hapi.”

Diutronomi 11:15

An bae yufala garem staka gras fo olketa animol blong yufala kaikaim. So bae yufala garem evri kaikai wea yufala laekem.

1 Timoti 6:17

Olketa pipol hu i garem plande risis long wol ya, yu mas talemaot strong long olketa fo olketa mas no praod tumas. Olketa mas no putum trast blong olketa long olketa samting wea hemi save lus enitaem, bat olketa mas putum trast blong olketa long God nomoa. Hem nao hemi save givim kam evri gudfala samting fo mekem yumi stap hapi.

1 Pita 1:5

Yufala biliv finis long God hu hemi lukaftarem yufala gud long paoa blong hem, go-go hemi sevem yufala. An God hemi redi finis fo mekem diswan kamtru long Lasde.