Levitikas 26:34 - Pijin Bible

^34-35 Long datfala taem bae lan blong yufala hemi barava res long olketa yia wea hemi emti. Taem yufala go stap long ples blong olketa enemi blong yufala, lan blong yufala hemi save res olsem hemi garem Sabat. Hemi mas olsem bikos yufala no letem hem res fo garem Sabat evri sevenfala yia olsem mi bin talem yufala.

Pijin Deuterocanon

^34-35 Long datfala taem bae lan blong yufala hemi barava res long olketa yia wea hemi emti. Taem yufala go stap long ples blong olketa enemi blong yufala, lan blong yufala hemi save res olsem hemi garem Sabat. Hemi mas olsem bikos yufala no letem hem res fo garem Sabat evri sevenfala yia olsem mi bin talem yufala.

Levitikas 26:34 Iomraidhean Croise

1 Kings 8:46

“No eniwan long disfala wol hemi no garem sin. So taem olketa pipol blong yu i sin agensim yu, maet yu kros long olketa, an letem olketa enemi kam fo winim olketa, an tekem olketa go long kantri blong olketa, nomata hemi kolsap o farawe long Israel.

2 Kronikols 36:21

Long disfala wei, lan blong olketa hemi emti nomoa, an stap kuaet fo seventi yia falom toktok blong Yawe wea Profet Jeremaea hemi bin talemaot bifoa.

Jeremaea 34:17

“Dastawe nao mi Yawe, mi tok olsem: Yufala les fo obeim mi. Yufala les fo letem olketa wantok blong yufala fo go fri. Oraet, distaem bae mi letem yufala evriwan fo go fri. Bae mi letem yufala go fri fo dae long faet, o fo dae long bikfala sik, o fo dae long taem blong hanggre. Bae mi barava mekful long yufala, mekem pipol long olketa narafala kantri long wol i seke fogud long yufala.

Levitikas 25:10

An long disfala wei, yufala mas mektambu long mekfifti yia mekem hemi wanfala spesol yia blong mi. Hemi yia fo talemaot long evriwan long lan blong yufala wea olketa man an olketa samting save kamap fri. Long disfala Yia, olketa lan wea pipol i salem go long nara man mas kambaek long famili hu i onam fastaem. An long disfala Yia, olketa hu i bin kamap slev mas go fri mekem olketa gobaek long famili blong olketa.

Levitikas 26:43

Bat fastaem, olketa mas lus from lan ya, mekem graon hemi save res gudfala taem hemi emti. An olketa evriwan mas panis bikos yufala bin agensim mi, an yufala les long olketa lo blong mi.