Levitikas 26:25 - Pijin Bible

²⁵ Bae mi letem faet kasem ples blong yufala, fo panisim yufala bikos yufala bin brekem agrimen wea mi mekem wetem yufala. An sapos yufala ranawe go haed long olketa sefples long taon blong yufala, bae mi sendem go enikaen ravis sik fo kasem yufala, an bae mi givim yufala go long olketa enemi blong yufala.

Pijin Deuterocanon

²⁵ Bae mi letem faet kasem ples blong yufala, fo panisim yufala bikos yufala bin brekem agrimen wea mi mekem wetem yufala. An sapos yufala ranawe go haed long olketa sefples long taon blong yufala, bae mi sendem go enikaen ravis sik fo kasem yufala, an bae mi givim yufala go long olketa enemi blong yufala.

Levitikas 26:25 Iomraidhean Croise

2 Samuel 24:15

So Yawe hemi sendem kam wanfala ravis sik long pipol blong Israel, stat long datfala moning go kasem taem wea hemi bin talem. Sik wea hemi kasem olketa, hemi stat long taon long Dan long not, an hemi go kasem taon long Beereseba long saot. An 70,000 pipol nao i dae long sik ya.

1 Kings 8:33

“Maet olketa enemi winim faet long pipol blong yu long Israel bikos olketa bin sin agensim yu. Bat den olketa kambaek long yu, an olketa kam long disfala Tambuhaos an mekhae moa long nem blong yu, an olketa talemaot dat yu God blong olketa, an olketa prea long yu fo yu fogivim olketa.

1 Kings 8:37

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

2 Kings 17:3

Long datfala taem, King Salmanesa blong Asiria hemi kam faetem hem, an hemi kontrolem King Hosea an mekem hem peim bikfala taks go long hem.

2 Kronikols 24:24

Olketa soldia blong Siria i no plande tumas, bat Yawe hemi mekem olketa winim olketa soldia blong Jiuda wea i plande tumas. Hemi mekem olsem bikos pipol blong Jiuda i lusim hem nomata hemi God blong olketa olfala grani blong olketa. So long disfala wei nao, King Joas hemi garem panis blong hem.

Sams 94:1

Lod Yawe, yu nao yu God wea yu panisim olketa nogud pipol. !Somaot paoa blong yu long olketa ya!

Eksodas 5:3

Nao Mosis an Eron i tok olsem, “God blong mifala Hibru, hemi tok wetem mitufala finis. Plis yu letem mifala wakabaot go fo trifala de long drae eria fo ofarem sakrifaes long Yawe, God blong mifala. Sapos mifala no duim diswan, maet hemi kilim mifala dae long sik o long faet.”

Aesaea 1:20

Bat sapos yufala agensim mi, bae mi letem olketa enemi i kam faetem yufala an kilim yufala dae.” Yawe nao hemi tok.

Aesaea 65:12

Bat bae mi nao mi mekem nogud samting fo hapen long yufala. Bae olketa enemi i kilim yufala dae long faet, bikos taem mi kolem yufala, yufala nating ansarem mi. An taem mi tok long yufala, yufala nating lisin long mi. Oltaem nomoa yufala les fo obeim mi, an yufala gohed nomoa fo duim olketa ravis samting.”

Jeremaea 19:7

“‘An long disfala ples, bae mi spoelem olketa plan blong olketa blong Jiuda an Jerusalem. Bae mi mekem olketa enemi blong olketa fo kilim olketa dae long faet. An olketa bodi ya, bae mi givim olketa long olketa bed an olketa wael animol fo kaikaim.

Jeremaea 24:10

Bae mi sendem olketa enemi fo kam kilim olketa, an mi sendem tu taem blong hanggre an bikfala ravis sik fo kilim olketa, go-go no eniwan long olketa save stap long disfala lan wea mi bin givim long olketa grani blong olketa bifoa.”

Jeremaea 50:28

Profet hemi tok olsem, “Lisin kam long olketa pipol blong yumi wea i bin stap long Babilonia an kambaek moa long Jerusalem. Olketa talemaot dat Yawe God blong yumi hemi sensimbaek olketa nogud samting wea olketa blong Babilonia bin duim long Tambuhaos blong hem.”

Jeremaea 51:11

(Profet) Yawe hemi mekem olketa king blong Media fo go mekem faet agensim Babilon, bikos Yawe hemi mekem plan finis fo spoelem hem. Bae Yawe hemi sensimbaek olketa nogud samting wea olketa blong Babilonia bin duim long Tambuhaos blong hem. Olketa komanda blong ami ya i tok olsem, “!Redim aro! !Redim sil!

Jeremaea 9:16

Bae mi ronemaot olketa fo go stap olobaot long olketa narafala kantri, wea olketa wetem olketa grani blong olketa bifoa, no save long olketa ples. An bae mi sendem olketa enemi fo faet agensim olketa, go-go mi spoelem olketa finis.”

Lamentesin 2:21

“Nomata yangfala o olfala, olketa evriwan i dae olobaot long rod. Olketa boe an gele tu, olketa enemi i kilim long naef fo faet. Yu seleva nomoa, yu kilim olketa dae long de wea yu kros, an yu no sore long olketa.

Esikiel 14:17

“O nomata sapos mi letem enemi fo kam faetem disfala kantri, an olketa kilim dae evri pipol an evri animol, bae trifala ya no sevem olketa nomoa. Mi mekem disfala strongfala promis long nem blong mi Lod Yawe hu mi laef olowe: Nomata sapos olketa pikinini blong trifala ya i stap long ples ya, bae trifala no save sevem olketa tu. Bae trifala save sevem nomoa laef blong trifala seleva.

Esikiel 20:37

“Bae mi mekem yufala falom agrimen wea mi bin mekem wetem yufala, an divaedem olketa nogud pipol from olketa gud pipol, olsem wea man hemi lukaftarem sipsip hemi divaedem olketa sipsip blong hem.

Esikiel 29:8

Dastawe nao mi Lod Yawe, mi tok olsem: Bae mi letem faet fo kasem ples blong yu. Ya, bae olketa kilim dae olketa man blong yu evriwan, wetem olketa animol blong olketa tu.

Esikiel 33:2

“Man blong graon. Yu talem olketa wantok blong yu dat mi tok olsem, ‘Evritaem mi letem faet fo kasem wanfala kantri, olketa siusim wanfala man fo kamap sekiuriti blong olketa.

Esikiel 5:17

Bae mi mekem olketa pikinini blong yufala fo dae long hanggre an bae mi sendem olketa wael animol tu fo kilim olketa dae. Bae mi letem yufala dae long wanfala ravis sik an letem faet fo kasem ples blong yufala. Mi Yawe nao mi tok.”

Esikiel 6:3

Yu tok olsem, ‘!Olketa maonten blong Israel! !Lisin kam gudfala long Mesij blong Lod Yawe! Lod Yawe nao hemi tok olsem long olketa maonten, an olketa hil, an olketa riva, an olketa vali: Bae mi letem faet fo kasem ples blong yufala, an mi letem olketa enemi fo spoelem evri tambuples blong olketa kaving god wea i stap long yufala.

Hosia 11:6

Ya, bikos olketa gohed fo falom nomoa tingting blong olketa seleva, bae olketa enemi i kam an barava spoelem olketa taon ya blong olketa. An olketa geit blong olketa taon ya bae i brek finis an lus nao.

Levitikas 26:6

An bae mi mekem lan blong yufala fo garem pis, an bae yufala save slip gudfala an no save fraetem enisamting long naet. Olketa wael animol wea i save kilim dae pipol, bae mi ronemaot olketa from ples blong yufala, an bae no eni faet save kam long ples blong yufala.

Emos 4:10

?Mi nao bin sendem disfala ravis sik fo kasem yufala, olsem wea mi bin sendem bifoa fo kasem olketa pipol blong Ijip. An mi bin letem olketa enemi fo kilim dae evri yang man blong yufala long faet, an fo tekem olketa hos blong yufala tu. Mi nao bin mekem ples blong yufala fo smel nogud long bodi blong olketa man ya hu i dae finis. !Nomata olsem, yufala nating tanem nomoa tingting blong yufala fo kambaek long mi!

Habakuk 3:5

Hemi sendem bikfala sik fo go fastaem long hem, an tokstrong long dae fo kam bihaen.

Nambas 14:12

!Bae mi sendem go wanfala ravis sik fo kilim olketa dae an raosim olketa ya! Bat bae mi mekem yu fo kamap olo blong narafala traeb wea hemi bikfala moa an strong moa winim olketa ya.”

Nambas 16:49

Namba blong olketa hu i dae long datfala taem hemi kasem 14,700, bat olketa no kaontem olketa hu i dae long trabol blong Kora.

Nambas 31:3

Mosis hemi tok olsem long olketa, “Yufala mas redi fo go faetem pipol blong Midian, mekem Yawe hemi panisim olketa from evrisamting wea olketa duim.

Gudnius abaotem Jisas Kraes wea Luk hemi raetem 21:11

An bae olketa bikfala etkuek tumas tu olketa sekem olketa ples long disfala wol. An olketa bikfala taem blong hanggre an olketa nogud siknis tu bae olketa spoelem plande pipol long plande ples. An bae enikaen nogud samting hemi hapen fo mekem pipol fraet tumas, an bae enikaen bikfala saen olketa soaot kam long skae tu.

Diutronomi 28:21

An bae hemi mekem yufala garem sik olowe, go-go olketa sik ya i spoelem yufala an yufala dae, an no eniwan hemi stap long lan wea yufala go-go long hem fo onam.

Diutronomi 32:25

Long olketa rod bae olketa enemi i kam kilim dae olketa pikinini blong yufala. An long olketa haos evriwan bae fraet fogud. Olketa yanga, an olketa bebi, an olketa olo, bae olketa evriwan i dae.

Diutronomi 32:35

Mi nomoa save sensimbaek trabol long olketa enemi blong yufala. Mi nao bae mi peimbaek long olketa. I no longtaem, an bae olketa save foldaon. Taem wea olketa lus hemi kolsap nao. Kuiktaem nomoa bikfala trabol hemi ka-kam kasem olketa.’

Diutronomi 32:41

bae mi tekem naef fo faet blong mi wea hemi saen fogud. Bae mi sapanem hem go-go hemi sap tumas. Den bae mi sensimbaek long olketa enemi blong mi, an bae mi panisim olketa hu i heitem mi.

Jajis 15:11

Nao 3,000 soldia blong Jiuda i go long kev long Etam an tokstrong olsem long Samson, “?Wanem nao yu duim long mifala? ?Waswe, yu no save nomoa dat olketa blong Filistia i rul ovarem yumi?” Bat hemi tok olsem, “Mi duim olketa samting ya fo sensimbaek wanem olketa bin duim long mi fastaem.”