Levitikas 26:23 - Pijin Bible

²³ “Sapos olketa panis i no save mekem yufala fo sensim wei blong yufala fo tane kambaek long mi, bat gohed nomoa fo agensim mi,

Pijin Deuterocanon

²³ “Sapos olketa panis i no save mekem yufala fo sensim wei blong yufala fo tane kambaek long mi, bat gohed nomoa fo agensim mi,

Levitikas 26:23 Iomraidhean Croise

2 Samuel 22:27

Yu no duim eni rong samting long olketa hu i no duim eni rong samting. Bat yu gohed fo agensim olketa hu i gohed fo duim nogud.

Sams 18:26

Olketa pipol wea i stap stret nomoa, yu gohed fo stret long olketa, bat olketa pipol wea i nogud, yu gohed fo agensim olketa.

Jeremaea 2:30

Mi bin panisim yufala fo stretem wei blong yufala, bat yufala les fo sensim wei blong yufala. An yufala gohed nomoa fo kilim dae olketa profet blong mi, olsem laeon wea hemi hanggre tumas fo kaikai.

Jeremaea 5:3

(Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Daniel 9:13

Lod Yawe, yu nao yu God blong mifala. Yu bin panisim mifala barava olsem olketa Lo ya i talem, bat ka-kam kasem distaem, mifala nating trae fo mekem yu hapi nomoa. Mifala nating tanem nomoa tingting blong mifala from olketa sin blong mifala, an mifala no falom nomoa olketa trutoktok blong yu.

Levitikas 26:21

“An sapos yufala gohed yet fo agensim mi, an fo no obeim mi, bae mi dabolem moa panis blong yufala from olketa sin blong yufala.