Levitikas 24:16 - Pijin Bible

¹⁶ Eniwan hu hemi tokspoelem nem blong Yawe hemi mas dae. Nomata hemi blong yufala o eni strensa wea hemi stap wetem yufala, bat sapos hemi tokspoelem disfala tambu nem, yufala evriwan mas sutim hem dae long ston.

Pijin Deuterocanon

¹⁶ Eniwan hu hemi tokspoelem nem blong Yawe hemi mas dae. Nomata hemi blong yufala o eni strensa wea hemi stap wetem yufala, bat sapos hemi tokspoelem disfala tambu nem, yufala evriwan mas sutim hem dae long ston.

Levitikas 24:16 Iomraidhean Croise

2 Samuel 6:2

Den hemi lidim olketa go long taon long Baala long Jiuda. Olketa go fo tekem kambaek disfala Tambu Boks blong God wea hemi spesol samting blong Yawe hu hemi garem evri paoa, an hem nao hemi sidaon olsem king long midol long tufala enjel wea tufala antap long Tambu Boks ya.

Sams 139:20

Olketa toknogud abaotem yu, an olketa tokspoelem nem blong yu.

Sams 74:10

?God, fo hao long nao bae olketa enemi blong mifala i gohed fo mekfan long yu? ?Waswe, bae yu letem nomoa fo olketa tokspoelem nem blong yu olowe nao?

Sams 74:18

Lod Yawe, yu mas tingim dat olketa enemi blong yu i mekfan nomoa long yu ya. Olketa ya i no bilivim yu, an i tokspoelem nem blong yu.

Eksodas 20:7

“Yufala mas no yusim nem blong mi fo eni nogud samting, bikos mi nao Yawe, God blong yufala, an bae mi panisim eniwan hu hemi yusim nem blong mi fo eni nogud samting olsem.

Eksodas 22:28

“Yufala mas no toktok nogud agensim mi God blong yufala, an bae yufala mas no mekem trabol fo kasem lida long olketa pipol blong yufala.

Matiu 12:31

So bikos hemi olsem, mi talem long yufala nao, evri sin an enikaen toktok nogud wea man hemi save talem, God hemi save fogivim. Bat eniwan hu hemi tokspoelem waka blong Holi Spirit, bae God hemi nating fogivim hem ya.

Matiu 26:66

?So wanem nao yufala talem?” Nao olketa sei long hem, “!Man ya, hemi mas dae nao!”

Gudnius abaotem Jisas Kraes wea Mak hemi raetem 14:64

Yufala herem seleva finis nao wea hemi tokspoelem God ya. ?So wanem nao yufala talem?” Nao olketa jajem hem an olketa sei, “Man ya hemi mas dae ya.”

Gudnius abaotem Jisas Kraes wea Jon hemi raetem 19:7

Nao olketa Jiu ansarem hem olsem, “Nomoa. Hemi sei hem nao San Blong God ya. An long lo blong mifala, diskaen man hemi fitim fo hemi mas dae ya.”

Aposol 26:11

Long evriwea nomoa mi go long olketa preahaos an mi panisim olketa oltaem, an mi traehad fo mekem olketa fo tokspoelem Jisas moa. An mi barava kros tumas long olketa, so nomata eni taon aotsaet long Israel ya, mi save go long hem fo meksave long olketa.

Aposol 7:58

an olketa pulum hem go aotsaet long biktaon ya, an olketa sutim hem dae long ston. Olketa man hu i bin tok agensim Stivin, olketa livim longfala kaleko blong olketa long han blong wanfala yangman, nem blong hem Sol.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.

Jemes 2:7

?Waswe, hu nao tokspoelem disfala gudfala nem blong Kraes Masta blong yufala? Olketa ris pipol nao.