Levitikas 23:8 - Pijin Bible

⁸ An evri de long olketa sevenfala de blong bikde, yufala mas ofarem sakrifaes fo givim kam olsem tambu samting long mi Yawe. Long mekseven de blong disfala bikde hemi narafala holi de wea yufala mas kam tugeta fo wosipim mi. An long disfala de tu yufala mas no waka.”

Pijin Deuterocanon

⁸ An evri de long olketa sevenfala de blong bikde, yufala mas ofarem sakrifaes fo givim kam olsem tambu samting long mi Yawe. Long mekseven de blong disfala bikde hemi narafala holi de wea yufala mas kam tugeta fo wosipim mi. An long disfala de tu yufala mas no waka.”

Levitikas 23:8 Iomraidhean Croise

Eksodas 12:16

Long fas de ya, an long mekseven de tu, yufala mas hipap tugeta fo wosipim mi. Long olketa sevenfala de ya, bae yufala no save waka. Yufala save wakem olketa kaikai blong yufala nomoa.

Eksodas 13:6

Fo sevenfala de nao, yumi mas gohed fo kaikaim nomoa bred wea hemi no garem yist long hem. An long mekseven de, bae yumi mas mekem bikde fo mekhae long Yawe.

Esikiel 45:23

An evri de long olketa sevenfala de blong fist ya, bae hemi mas givim sevenfala man buluka an sevenfala man sipsip wea i no garem enisamting rong long bodi blong olketa, an mekem sakrifaes wea hemi barava bone fo wosipim long mi. An evri de, bae hemi mas givim wanfala man nanigot, fo mekem man stret moa long ae blong mi.

Levitikas 23:7

Nao, fas de blong disfala bikde hemi wanfala holi de wea yufala mas kam tugeta fo wosipim mi. An long disfala de yufala mas no waka.

Levitikas 23:9

Yawe hemi gohed fo tok olsem long Mosis,

Nambas 28:18

Nao, fas de blong disfala fist hemi wanfala holi de wea yufala mas kam tugeta fo wosipim mi. An long disfala de yufala mas no waka.

Nambas 28:25

Long mekseven de blong disfala fist hemi narafala holi de wea yufala mas kam tugeta fo wosipim mi. An long disfala de tu yufala mas no waka.”

Nambas 28:26

Yawe hemi tok olsem, “Long fas de blong Fist blong Sevenfala Wik, long taem wea yufala ofarem kam fas kaikai wea yufala tekemaot long gaden, hemi wanfala holi de wea yufala mas kam tugeta fo wosipim mi. An long disfala de tu yufala mas no waka.

Diutronomi 16:8

Nao long olketa narafala siksfala de blong fist yufala mas kaikaim bred wea hemi no garem yist long hem. Den long mekseven de, yufala mas kam tugeta fo wosipim Yawe, God blong yufala. An long datfala de yufala mas no waka.”