Levitikas 23:11 - Pijin Bible

¹¹ An long de bihaen long Sabat, disfala prist mas tekem fas kaikai ya an liftimap kam frant long mi olsem wanfala spesol ofaring wea yufala givim kam fo mekem mi hapi wetem yufala.

Pijin Deuterocanon

¹¹ An long de bihaen long Sabat, disfala prist mas tekem fas kaikai ya an liftimap kam frant long mi olsem wanfala spesol ofaring wea yufala givim kam fo mekem mi hapi wetem yufala.

Levitikas 23:11 Iomraidhean Croise

Eksodas 28:38

Hem nao Eron save werem disfala medol ya long fohed blong hem. An hemi somaot dat hem nao hemi karim olketa rong samting wea olketa pipol blong Israel i maet duim taem olketa mekem sakrifaes o ofaring long mi. Hemi mas duim diswan mekem mi hapi long olketa tambu samting wea olketa givim kam long mi.

Eksodas 29:24

Yu mas tekem trifala bred ya wetem olketa mit ya, an putum go long han blong Eron an olketa pikinini blong hem, an yu talem olketa fo liftimap kam frant long mi fo wanfala spesol ofaring.

Levitikas 10:14

Bat sest blong animol wea yu bin liftimap long Yawe, an disfala raet lek blong hem wea yufala liftimap fo ofarem long Yawe tugeta wetem olketa gris blong tambu ofaring, olketa mit ya hemi blong yufala nao. Yufala wetem olketa san an olketa dota blong yufala, yufala evriwan save kaikaim. An yufala mas kaikaim olketa mit ya long olketa ples wea hemi klin long ae blong Yawe. Mit wea hemi kamaot long olketa tambu samting blong olketa sakrifaes fo somaot dat olketa stapgud wetem Yawe, disfala mit hemi fo yufala wetem olketa pikinini blong yufala olowe nao, olsem wea Yawe hemi talem.”

Levitikas 23:10

“Taem yufala go stap long lan wea bae mi givim long yufala, yufala mas tekem kam long prist olketa fas kaikai wea yufala tekemaot from gaden blong yufala.

Levitikas 23:12

An long datfala de, yufala mas tekem wanfala pikinini man sipsip wea hemi kasem wan yia an hemi no garem enisamting rong long bodi blong hem. An yufala mas ofarem disfala sipsip fo mekem sakrifaes wea hemi barava bone fo wosipim mi Yawe.

Stori abaotem Rut 1:22

Long wei ya nao, Neomi wetem dota inlo blong hem ya Rut hu hemi woman blong Moab, tufala lusim Moab an tufala kambaek fo stap long Betlehem. Tufala kasem ples ya, barava long taem wea olketa pipol i stat fo tekemaot bali long olketa gaden blong olketa.