Levitikas 21:10 - Pijin Bible

^10-12 “Man hu hemi hae prist, wea olketa bin kapsaetem tambu oel go long hed blong hem, an wea olketa mektambu long hem fo werem olketa spesol kaleko blong hae prist, hemi holi. So taem eniwan long famili blong hem hemi dae, hemi no save duim olketa samting fo somaot dat hemi sore, olsem hemi mas no brekem kaleko blong hem, an hemi no save falom disfala wei fo no komem hea blong hem. Nomata man hu hemi dae hemi dadi blong hem o mami blong hem, hemi tambu fo hemi go long bodi an mekem hem seleva fo kamap no klin long ae blong mi. An hemi no save goaot from tambu ples blong mi fo berem bodi, bikos hemi mekem tambu ples blong mi, God blong hem, fo no klin long ae blong mi. Hemi olsem bikos olketa bin mektambu long hem wetem tambu oel blong mi. Hemi mas falom olketa samting ya bikos mi nao Yawe.

Pijin Deuterocanon

^10-12 “Man hu hemi hae prist, wea olketa bin kapsaetem tambu oel go long hed blong hem, an wea olketa mektambu long hem fo werem olketa spesol kaleko blong hae prist, hemi holi. So taem eniwan long famili blong hem hemi dae, hemi no save duim olketa samting fo somaot dat hemi sore, olsem hemi mas no brekem kaleko blong hem, an hemi no save falom disfala wei fo no komem hea blong hem. Nomata man hu hemi dae hemi dadi blong hem o mami blong hem, hemi tambu fo hemi go long bodi an mekem hem seleva fo kamap no klin long ae blong mi. An hemi no save goaot from tambu ples blong mi fo berem bodi, bikos hemi mekem tambu ples blong mi, God blong hem, fo no klin long ae blong mi. Hemi olsem bikos olketa bin mektambu long hem wetem tambu oel blong mi. Hemi mas falom olketa samting ya bikos mi nao Yawe.

Levitikas 21:10 Iomraidhean Croise

Jenesis 37:34

Jekob hemi brekem olketa kaleko blong hem bikos hemi barava sore fogud. So hemi werem olketa ravis kaleko nomoa, an hemi gohed krae longtaem fo pikinini blong hem ya.

2 Samuel 15:30

Nao king wetem olketa pipol i goaot, an falom rod wea hemi go pas antap long Hil blong Oliv Tri. Hemi tekemaot sandol blong hem, an hemi kavaremap hed blong hem fo somaot dat hemi filnogud, an hemi gohed fo krae bikfala. Olketa evriwan wea i go wetem hem, olketa tu i kavaremap hed blong olketa, an gohed fo krae.

Esta 6:12

Bihaen, Modekae hemi gobaek moa fo waka long haos blong king, bat Haman hemi kavarem fes blong hem bikos hemi sem tumas, an ranawe go nao long haos blong hem.

Stori abaotem Job 1:20

Job hemi stanap an hemi brekem kaleko blong hem, an hemi katemaot hea blong hem bikos hemi barava sore tumas. Hemi leidaon wetem fes blong hem long graon an hemi preisim Yawe.

Sams 133:2

Diswan hemi barava gud tumas olsem holi oel wea hemi smel naes tumas. Diskaen oel nao olketa kapsaetem go long hed blong Eron wea hemi ran godaon long biad blong hem go-go kasem kaleko blong hem.

Eksodas 29:7

An yu mas tekem tambu oel ya, an kapsaetem go long hed blong hem fo mektambu long hem fo mi.

Esikiel 24:17

Yu krae smol nomoa an no letem voes blong yu hemi kamaot, mekem pipol i herem yu. Yu mas no somaot dat yu sore an filnogud. Yu mas no aotem spesol kaleko ya from hed blong yu, an yu mas no tekemaot sandol from lek blong yu. Yu mas no kavaremap fes blong yu, an no kaikaim olketa kaikai wea olketa pipol i kaikaim taem olketa sore an filnogud.”

Levitikas 13:45

“Sapos eniwan hemi garem ravis sik long skin, oraet, hemi mas werem olketa kaleko wea hemi brek, an hemi mas no lukaftarem hea blong hem. Hemi mas kavaremap maos blong hem, an sapos hemi lukim narafala man, hemi mas singaot olsem, ‘!Mi no klin! !Mi no klin!’

Levitikas 16:32

An evri hae prist wea olketa kapsaetem tambu oel long hed blong hem fo mektambu long hem fo sensim dadi blong hem, hem save duim olketa samting fo tekemaot sin blong olketa pipol taem hemi werem olketa spesol kaleko blong hae prist.

Levitikas 4:3

“Sapos hae prist hemi sin, sin blong hem bae hemi mekem yufala evriwan rong long ae blong mi. So hemi mas tekem wanfala yang man buluka wea hemi nating garem enisamting rong long bodi blong hem, an hemi mas mekem sakrifaes fo mekem hem stret moa long ae blong mi.

Levitikas 8:12

Bihaen, hemi kapsaetem oel ya go long hed blong Eron fo mektambu long hem.

Nambas 35:25

“Sapos olketa save dat dae blong man hemi aksiden nomoa, oraet, olketa mas stopem wantok blong disfala man dae fo no duim enisamting long man hu hemi kilim dae. An olketa mas tekem hem go long wanfala taon fo haed. An hemi mas stap kam long taon ya go-go kasem taem wea Haeprist blong datfala taem hemi dae.

Nambas 6:7

Nomata man hu i dae hemi dadi o mami blong hem, o brata, o sista blong hem, hemi mas no go kolsap long bodi an mekem hem seleva fo no klin long ae blong mi, bikos hea blong hem hemi wanfala saen wea hemi mektambu fo God.

Matiu 26:65

Long taem ya, Haeprist hemi barava kros tumas, so hemi brekem kaleko blong hem nao, an hemi sei, “!Hemi tokspoelem God nao ya! Hemi naf nao. Yumi no lukaotem eni man moa fo tok agensim hem. Yufala seleva herem finis wea hemi tokspoelem God nao ya.