Levitikas 20:12 - Pijin Bible

¹² “Sapos eniwan hemi durong wetem waef blong pikinini blong hem, oraet, yufala mas kilim tufala dae. Tufala i duim wanfala samting wea hemi nating stret, an dae blong tufala hemi from rong blong tufala seleva.

Pijin Deuterocanon

¹² “Sapos eniwan hemi durong wetem waef blong pikinini blong hem, oraet, yufala mas kilim tufala dae. Tufala i duim wanfala samting wea hemi nating stret, an dae blong tufala hemi from rong blong tufala seleva.

Levitikas 20:12 Iomraidhean Croise

Jenesis 38:16

Nao hemi kam kolsap long hem long saet rod, an hemi tok olsem long hem, “Ei, mi laekem slip wetem yu.” Bat hemi no save nomoa dat disfala woman ya hemi wido blong tufala fas boe blong hem. Nao woman ya hemi askem hem olsem, “?Bae haomas nao yu peim long mi?”

Jenesis 38:18

Nao hemi askem hem olsem, “?Watkaen samting nao yu laekem mi fo givim long yu?” Nao woman ya hemi tok olsem, “Bae yu givim kam samting ya wea yu yusim fo putum mak blong yu long leta, wetem rop blong hem, an wokingstik blong yu.” Hemi givim tufala samting ya long hem, an hemi go slip wetem hem nao. Bihaen, woman ya hemi gobaek long ples blong hem, an hemi tekemaot kaleko ya wea hemi stopem ae blong hem, an hemi werem olketa ravis kaleko blong hem moa, wea i gohed fo werem bikos hemi wido. No longtaem nomoa, hemi lukim dat hemi babule nao.

Eksodas 22:2

Disfala man wea hemi stil, bae hemi mas sensimbaek samting wea hemi bin stilim. Sapos disfala man hemi wanfala puaman wea i no garem enisamting, bae olketa mas salem hem fo hemi kamap slev, an olketa save yusim praes blong hem fo peimbaek olketa samting wea hemi bin stilim. Sapos hemi stilim animol olsem buluka o dongki o sipsip, bat hemi no kilim dae, bae hemi mas givim baek animol ya wea hemi bin stilim, wetem narafala animol moa olsem. “Sapos man fo stil hemi kam long naet, an hemi go insaet long haos blong narafala man, nao man long haos hemi faendem hem, an hemi kilim hem dae, man hu hemi kilim man fo stil ya, hemi no rong nomoa long enisamting. Bat sapos man fo stil ya hemi kam long de taem, nao disfala man long haos hemi kilim hem dae, hemi rong fo duim samting ya, an bae olketa mas panisim datfala man.

Levitikas 18:15

“An hemi tambu fo man hemi durong wetem dota inlo blong hem, bikos woman ya hemi waef blong pikinini blong hem.

Levitikas 18:23

“An hemi tambu fo man o woman hemi durong wetem eni animol. Bikos wei ya hemi nating stret, an hemi mekem man fo no klin long ae blong mi.

Diutronomi 27:23

“Trabol bae kasem eni man hu hemi slip wetem mami inlo blong hem.’ “An olketa pipol mas ansa olsem, ‘!Hem tru ya!’