Levitikas 19:9 - Pijin Bible

⁹ “Taem yufala tekemaot kaikai long gaden blong yufala, bae yufala mas no tekemaot evri kaikai long saet blong gaden, an yufala mas no gobaek fo katemaot enisamting wea yufala lusim bihaen.

Pijin Deuterocanon

⁹ “Taem yufala tekemaot kaikai long gaden blong yufala, bae yufala mas no tekemaot evri kaikai long saet blong gaden, an yufala mas no gobaek fo katemaot enisamting wea yufala lusim bihaen.

Levitikas 19:9 Iomraidhean Croise

Levitikas 19:10

An yufala mas no gobaek long olketa plantesin blong grep blong yufala fo kolektem frut wea yufala lusim, o fo pikimap olketa frut wea hemi foldaon. Yufala mas letem olketa samting ya fo olketa puaman an strensa wea i stap wetem yufala. Mi nao Yawe, God blong yufala.

Levitikas 19:8

Eniwan hu hemi kaikaim datfala mit olsem, hemi fitim fo hemi mas panis bikos hemi spoelem wanfala tambu samting, so yufala mas putum hem aot from pipol blong Israel.

Levitikas 23:10

“Taem yufala go stap long lan wea bae mi givim long yufala, yufala mas tekem kam long prist olketa fas kaikai wea yufala tekemaot from gaden blong yufala.

Levitikas 23:22

“Mi nao Yawe, God blong yufala, so taem yufala go fo tekemaot kaikai long gaden blong yufala, yufala mas no tekemaot evri kaikai long saet blong hem. An yufala mas no gobaek fo tekem olketa kaikai wea yufala mistim. Yufala mas livim olketa kaikai ya fo olketa puaman an olketa strensa wea i stap wetem yufala.”

Levitikas 23:29

Sapos eniwan hemi brekem tambu long kaikai long disfala bikde, oraet, yufala mas aotem hem from pipol blong mi.

Stori abaotem Rut 2:15

Taem Rut hemi stanap fo go waka moa, Boas hemi tok olsem long olketa wakaman blong hem, “Bae yufala letem hem pikimap samfala bali long olketa pasel tu, yufala no stopem hem. Yufala pulumaot samfala bali long olketa pasel ya fo stap long graon, mekem hemi save pikimap olketa, an yufala no stopem hem.”

Stori abaotem Rut 2:2

Oraet, Rut hemi tok olsem long Neomi, “Plis yu letem mi go waka long gaden blong olketa man ya, mekem mi save pikimap samfala bali wea olketa wakaman i lusim bihaen. Maet samfala man bae i kaen long mi an letem mi duim olsem.” Neomi hemi tok olsem long hem, “Hemi oraet nomoa, yu save go.”

Stori abaotem Rut 2:8

Boas hemi go an tok olsem long Rut, “Yu lisin kam long mi. Mi laek fo talem yu wanfala samting. Yu no go pikimap bali moa long gaden blong narafala man. Bae yu waka nomoa long hia wetem olketa woman hu i gohed fo waka fo mi.