Levitikas 18:3 - Pijin Bible

³ Yufala bin stap long Ijip bifoa, an distaem mi tekem yufala go long Kenan, bat yufala mas no falom olketa ravis wei blong olketa pipol blong tufala kantri ya.

Pijin Deuterocanon

³ Yufala bin stap long Ijip bifoa, an distaem mi tekem yufala go long Kenan, bat yufala mas no falom olketa ravis wei blong olketa pipol blong tufala kantri ya.

Levitikas 18:3 Iomraidhean Croise

2 Kings 17:8

Olketa gohed fo falom olketa barava ravis samting blong olketa pipol wea bifoa, Yawe hemi bin raosim from lan blong pipol blong Israel. An olketa gohed fo falom olketa niufala wei fo wosip wea olketa king blong Israel i bin tisim olketa.

Sams 106:35

bat olketa nating duim nomoa. Olketa gohed fo maritim olketa, an falom tu olketa kastom blong olketa.

Eksodas 23:24

Yufala mas no bendaon fo mekhae long olketa god blong olketa, an yufala mas no wosipim olketa god ya tu. An yufala mas no falom olketa ravis wei blong olketa fo wosip. Bae yufala mas spoelem olketa tambu kaving blong olketa laea god blong olketa, an yufala mas brekemdaon tu olketa tolfala tambu ston wea olketa stanemap fo wosipim.

Esikiel 23:8

Hemi gohed fo falom nomoa olketa ravis wei wea hemi bin stat fo duim kam long Ijip taem hemi yang gele yet. Long datfala taem, olketa man i gohed fo slip wetem hem, an holem susu blong hem, an gohed fo plei nogud wetem hem.

Levitikas 20:23

Bae yufala mas no falom olketa ravis kastom blong olketa hiden pipol blong kantri wea mi ronemaot olketa fo mekem yufala save go stap long hem. Olketa hiden pipol i bin duim olketa ravis samting, dastawe mi barava les long olketa.

Leta wea Pol hemi raetem go long sios long Rom 12:2

Yufala no letem yufala seleva fo falom wei blong disfala wol, bat yufala mas letem God hemi mekem yufala sens, mekem hemi givim niufala tingting long yufala. Long wei ya nao yufala save luksave long wanem God hemi laekem. From diswan, bae yufala save long olketa gudfala samting wea hemi stret an God hemi hapi long hem.

Diutronomi 12:4

“Yufala mas no falom wei blong olketa pipol blong lan ya taem yufala wosipim Yawe, God blong yufala.

Diutronomi 29:17

An yufala bin lukim olketa tambu kaving long timba, an ston, an silva an gol, wea i barava nogud tumas.

Diutronomi 9:4

“Oraet, afta Yawe, God blong yufala, hemi go fastaem long yufala an ronemaot olketa finis, yufala mas no tingim olsem, ‘Yawe hemi tekem kam mifala long hia bikos mifala stret long ae blong hem.’ !Nomoa nao! Bae hemi ronemaot olketa bikos olketa pipol ya i falom olketa wei nogud.