Levitikas 16:2 - Pijin Bible

² Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Pijin Deuterocanon

² Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Levitikas 16:2 Iomraidhean Croise

1 Kings 6:16

An insaet long en blong Tambuhaos olketa wakem wanfala spesol rum wea olketa kolem “Barava Tambu Rum”. Longfala blong disfala rum hemi kasem naen mita, an olketa wakem wol blong hem long timba blong sida. Wol blong hem hemi stat long floa an go kasem ruf.

1 Kings 8:6

Den olketa prist i karim Tambu Boks long Spesol Agrimen blong Yawe go insaet long Tambuhaos. Olketa putum insaet long Barava Tambu Rum andanit long wing blong tufala kaving blong enjel.

2 Kronikols 5:14

an olketa no save duim waka blong olketa bikos saen blong paoa blong Yawe hemi fulumapem Tambuhaos blong hem.

Eksodas 30:10

Wanfala taem long evri yia, Eron mas tekem lelebet blad blong animol wea hemi kilim dae an ofarem kam fo mekem yufala stret moa long ae blong mi, an hemi mas putum long olketa fofala hon blong olta ya fo mektambu long hem fo mi Yawe. Evri yia, hae prist mas duim olsem, an disfala samting ya hemi mas gohed fo duim olowe nao.”

Levitikas 16:13

Nao long frant long mi, hemi mas putum insens go long faea long dis, an smok blong hem bae hemi mekem Eron hemi no save lukim kava blong Tambu Boks, so bae hemi no dae.

Levitikas 16:34

Olketa lo ya, yufala mas falom olowe. Wanfala taem nomoa long evri yia yufala mas mekem olketa samting long disfala bikde fo tekemaot evri sin blong yufala.” Nao Eron hemi duim evrisamting wea Yawe hemi talem long Mosis.

Levitikas 23:27

“Evri yia, long disfala mekseven mans, long mekten de blong hem, yufala mas mekem spesol wosip long Bikde fo Tekemaot Sin. Long disfala bikde, yufala mas no kaikaim enisamting. An yufala mas kam tugeta fo wosipim mi, an yufala mas ofarem wanfala sakrifaes fo givim kam olsem tambu samting long mi Yawe.

Levitikas 8:35

Long de an long naet, yufala mas stap olowe long doa blong Tambu Haostent, go kasem sevenfala de, an oltaem yufala mas duim olketa samting wea Yawe hemi talem. Sapos yufala no duim, yufala mas dae long hem. Hem nao wanem Yawe hemi talem long mi.”

Nambas 17:10

An Yawe hemi tok olsem moa long Mosis, “Yu tekem wokingstik blong Eron an putum gobaek moa long frant long Tambu Boks. Bae yu kipim long dea fo mekem saen long ae blong olketa hu i gohed fo komplen kam long mi. An bae disfala wokingstik hemi som olsem sapos olketa nating stopem komplen blong olketa, bae olketa dae.”

Nambas 18:7

Bat yu wetem olketa man long laen blong yu nomoa i mas gadem olketa tambu samting blong olta an Tambu Rum. Bae mi givim olketa gudfala samting long yufala prist fo waka blong yufala fo pakap long olketa tambu samting long Tambu Haostent. Bat sapos eni narafala man hemi kam kolsap long olketa tambu samting, yufala mas kilim hem dae.”

Nambas 4:5

Taem yufala redi fo muv go long narafala ples, trifala prist ya, Haeprist Eron wetem tufala san blong hem, bae trifala nao mas kam insaet long Tambu Haostent fo redim olketa samting blong hem. Trifala mas tekemdaon bikfala kaleko wea hemi satem disfala Barava Tambu Rum wea Tambu Boks hemi stap long hem. An trifala mas yusim bikfala kaleko ya fo kavaremap Tambu Boks.

Matiu 27:51

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Hibrus 6:19

Olketa samting wea God hemi promisim yumi ya, hemi olsem wanfala strongfala angga long laef blong yumi, wea hemi no save muv. Promis blong God ya, hemi go kasem long narasaet long disfala bik kaleko wea hemi satem Barava Tambu Rum insaet long Tambuhaos long heven.

Hibrus 9:25

Evri yia nao, haeprist blong olketa Jiu hemi mas go insaet long Barava Tambu Rum fo tekem go blad blong animol insaet long hem. Bat Kraes wea hemi givim laef blong hem long God olsem wanfala sakrifaes, hemi no go insaet long heven long plande taem. Nomoa.

Hibrus 9:3

An bihaen long wanfala bikfala kaleko, mektu rum hemi stap wea olketa kolem “Barava Tambu Rum”.

Hibrus 9:5

Kava blong disfala boks ya, hemi ples fo tekemaot sin blong olketa pipol. An antap long kava ya, tufala kaving i stap wea tufala garem wing, an tufala olsem wanfala saen fo somaot dat God hemi stap long ples ya. Bat mi no save talem evrisamting abaotem disfala ples ya long distaem.

Revelesin 15:8

An insaet long tambuhaos ya hemi barava fulap long smok from bikfala paoa blong God wea hemi saen long hem. An no eniwan save go insaet long tambuhaos ya, go-go sevenfala bikfala panis ya hapen fastaem.