Levitikas 15:8 - Pijin Bible

⁸ An sapos man hu hemi garem sik ya hemi spit long narafala man hu hemi klin long ae blong mi, oraet, narafala man ya hemi mas wasim olketa kaleko blong hem, an hemi mas suim, an hem tu hemi no klin long ae blong mi go kasem ivining.

Pijin Deuterocanon

⁸ An sapos man hu hemi garem sik ya hemi spit long narafala man hu hemi klin long ae blong mi, oraet, narafala man ya hemi mas wasim olketa kaleko blong hem, an hemi mas suim, an hem tu hemi no klin long ae blong mi go kasem ivining.

Levitikas 15:8 Iomraidhean Croise

Aesaea 1:16

Yufala mas mekem yufala seleva klin. Yufala mas stop nao fo duim olketa ravis wei ya.

Levitikas 11:24

“Sapos eniwan long yufala hemi tasim bodi blong eni animol wea hemi no klin an hemi dae, bae hemi no klin long ae blong mi go kasem ivining.

Levitikas 15:7

An sapos narafala man hemi tasim bodi blong man wea hemi garem sik ya, oraet, hemi mas wasim olketa kaleko blong hem, an hemi mas suim, an hem tu hemi no klin long ae blong mi go kasem ivining.

Levitikas 15:9

An sapos man hu hemi garem sik ya hemi sidaon long wanfala sea long hos o kamel, o eni narafala sea, oraet, sea ya hemi no klin long ae blong mi.

Nambas 19:22

Nao sapos eniwan hu hemi no klin hemi tasim enisamting, datfala samting tu bae hemi no klin long ae blong mi. An sapos narafala man hemi tasim datfala samting, bae hem tu hemi no klin go-go kasem taem san hemi godaon.”

Jemes 4:8

Yufala mas kam kolsap long God, an bae hemi kam kolsap long yufala. Yufala mas lusim evri sin blong yufala, an yufala mas no garem tufala tingting moa. Bat yufala mas tingting wansaet nomoa long God.

Jiud 1:4

Mi raet go long yufala olsem, bikos samfala pipol olketa bin kamhaed fo joen wetem yumi long sios. Olketa ya no barava biliv long God. Olketa sensim tru tising abaotem kaenfala lav blong God wea hemi mekem yumi fri, fo laea tising wea olketa sei yumi fri fo duim enikaen ravis samting. An olketa les long Jisas Kraes, wea hem nomoa hemi King an Masta blong yumi. Longtaem bifoa, Buktambu hemi talemaot finis disfala panis wea bae hemi kasem olketa pipol olsem.