Levitikas 15:18 - Pijin Bible

¹⁸ An sapos eni man hemi slip tugeta wetem woman, oraet, tufala mas suim, an tufala no klin long ae blong mi go kasem ivining.

Pijin Deuterocanon

¹⁸ An sapos eni man hemi slip tugeta wetem woman, oraet, tufala mas suim, an tufala no klin long ae blong mi go kasem ivining.

Levitikas 15:18 Iomraidhean Croise

2 Samuel 11:4

Long datfala taem, hemi jes finisim taem fo lukim mun, an hemi wasim bodi blong hem finis fo mekem hem seleva klin moa long ae blong Yawe. Nao king hemi sendem samfala man blong hem fo go tekem hem. So hemi kam an king hemi slip wetem hem. Den Batseba hemi gobaek long haos blong hem.

Sams 51:5

Stat kam long taem wea mi bon, mi bin sin finis. An stat kam long taem wea mi bon, wei blong mi hemi nogud finis.

Eksodas 19:15

Hemi tok olsem long olketa, “Yufala mas mekem yufala redi fo neks tumoro. An yufala mas no slip wetem waef blong yufala go-go kasem datfala taem.”

Levitikas 15:16

“An enitaem, sapos wata blong man hemi kamaot, oraet, samting ya hemi mekem man fo no klin long ae blong mi, an datfala man hemi mas suim, an hemi no klin long ae blong mi go kasem ivining.

Levitikas 15:17

Sapos wata blong man hemi kasem enisamting wea olketa wakem long kaleko o long skin blong animol, olketa mas wasim samting ya, an hemi no klin long ae blong mi go kasem ivining.

Levitikas 15:5

An sapos narafala man hemi tasim datfala bed, o sidaon long samting wea man ya hemi bin sidaon long hem, oraet, hemi mas wasim olketa kaleko blong hem, an hemi mas suim, an hemi no klin long ae blong mi go kasem ivining.

1 Korin 6:12

Maet wanfala hemi sei, “Mi fri fo duim enisamting nomoa ya.” Diswan hemi tru, bat i no evrisamting nao hemi save helpem yu. So nomata mi fri fo duim evrisamting nomoa, mi mas no letem enisamting fo bosim mi.

1 Korin 6:18

Yufala mas no falom disfala wei fo durong wetem eniwan. Olketa pipol hu i mekem olketa narakaen sin, olketa no spoelem bodi blong olketa. Bat olketa hu i durong wetem eniwan nomoa, olketa barava spoelem bodi blong olketa seleva.

2 Timoti 2:22

Yu mas ranawe from enikaen nogud wei blong olketa yang pipol bat yu mas joen wetem olketa pipol hu i garem stretfala tingting an save mekhae long Masta. An yufala mas traehad fo falom nomoa wei wea hemi stret an fo holestrong long biliv an fo lavem olketa pipol an frengud wetem evriwan.

Hibrus 13:4

Evri pipol i mas tinghae long wei blong marit. Olketa hasban an olketa waef i mas kipim olketa seleva, olsem olketa promis finis fo duim. Bikos God bae hemi panisim olketa pipol hu i brekem lo blong marit wetem olketa hu i durong olobaot nomoa.

1 Pita 2:11

Olketa fren, yufala stap long disfala wol olsem olketa strensa, an yufala no garem eni ples wea hemi barava blong yufala. So mi talem strong long yufala wea yufala mas no falom nogud tingting blong yufala seleva. Bikos nogud tingting ya nao hemi save faet agensim niu laef blong yufala.