Levitikas 14:5 - Pijin Bible

⁵ Den prist hemi mas talem olketa fo tekem kam wanfala long tufala bed ya, an hemi mas holem antap long wanfala graon pot wea hemi fulap long springwata. An hemi mas kilim dae mekem blad blong hem hemi ran go insaet long graon pot.

Pijin Deuterocanon

⁵ Den prist hemi mas talem olketa fo tekem kam wanfala long tufala bed ya, an hemi mas holem antap long wanfala graon pot wea hemi fulap long springwata. An hemi mas kilim dae mekem blad blong hem hemi ran go insaet long graon pot.

Levitikas 14:5 Iomraidhean Croise

Levitikas 14:4

oraet, prist hemi mas talem olketa fo tekem kam tufala bed wea i klin long ae blong mi, wetem wanfala stik blong sida tri, an wanfala smolfala red rop, an wanfala brans blong hisop tri.

Levitikas 14:50

Hemi mas tekem wanfala long tufala bed ya, hemi mas holem antap long wanfala pot wea olketa wakem long graon. Pot ya hemi mas fulap long springwata. An hemi mas kilim dae mekem blad blong hem hemi ran go insaet long disfala pot wea hemi fulap long springwata.

Levitikas 14:6

Den prist hemi mas tekem narafala bed wetem stik an rop an brans blong hisop, an putum evrisamting go long datfala blad,

Nambas 5:17

An hemi mas kapsaetem samfala tambu wata go long wanfala kontena wea olketa wakem long graon, an hemi mas tekem lelebet dast from floa blong Tambu Haostent an putum long wata ya.

2 Korin 13:4

Taem olketa nilam hem dae long kros, hemi wikfala man, bat distaem hemi stap laef long paoa blong God. An mifala tu wea mifala joen wetem hem, mifala wikfala man, bat mifala stap laef wetem hem long paoa blong God. An bae mifala go fo stretem yufala long disfala paoa.

2 Korin 4:7

Bat nomata mifala garem disfala nambawan samting blong God, mifala olsem pot wea olketa wakem long graon nomoa. Hemi somaot dat disfala bikfala paoa hemi no blong mifala, bat hemi blong God.

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.

Hibrus 2:14

Olketa pikinini ya, olketa garem bodi olsem evri pipol nomoa. Dastawe nao, taem Jisas hemi bon kam long wol ya, hem tu hemi garem bodi olsem barava man. Hemi kamap man bikos man nomoa save dae. An long dae blong hem nomoa, hemi mekem wei fo winim paoa blong Seitan, hu hemi garem paoa fo kilim pipol dae.