Levitikas 14:12 - Pijin Bible

¹² An prist hemi mas tekem wanfala long tufala man sipsip ya, wetem bikfala kap oliv oel, an mekem kompensesin sakrifaes blong disfala man. Prist hemi mas liftimap tufala samting ya long frant long mi olsem hemi spesol ofaring long mi.

Pijin Deuterocanon

¹² An prist hemi mas tekem wanfala long tufala man sipsip ya, wetem bikfala kap oliv oel, an mekem kompensesin sakrifaes blong disfala man. Prist hemi mas liftimap tufala samting ya long frant long mi olsem hemi spesol ofaring long mi.

Levitikas 14:12 Iomraidhean Croise

Eksodas 29:22

“Disfala mektu sipsip, hem nao hemi sakrifaes fo mektambu long olketa prist. Yu mas katemaot olketa gris blong sipsip ya, wetem tel blong hem wea hemi garem staka gris long hem, an olketa gris ya wea hemi kavaremap olketa insaet long bele blong hem. An yu mas tekem nambawan haf long liva blong hem, an tufala kidni blong hem wetem gris blong tufala, an raet lek blong hem.

Eksodas 29:24

Yu mas tekem trifala bred ya wetem olketa mit ya, an putum go long han blong Eron an olketa pikinini blong hem, an yu talem olketa fo liftimap kam frant long mi fo wanfala spesol ofaring.

Eksodas 29:26

“Nao yu mas tekem mit long sest blong mektu sipsip ya, an liftimap kam frant long mi fo wanfala spesol ofaring. Disfala mit long sest hemi blong yu, fo kaikaim.

Aesaea 53:10

Yawe hemi tok moa olsem, “Plan blong mi nao, fo disfala man mas safa an dae. Dae blong hem ya, hemi wanfala sakrifaes fo mekem kompensesin, mekem hemi save lukim olketa hu bae i bon kam bihaen long hem. Bae laef blong hem hemi longfala, an from olketa samting wea hemi duim, bae plan blong mi hemi kamap tru nao.

Levitikas 14:10

“Oraet, long mekeit de, disfala man hemi mas tekem kam tufala smolfala man sipsip wetem wanfala smolfala mere sipsip wea hemi kasem wan yia, an trifala no garem enisamting rong long bodi blong trifala. An hemi mas tekem kam ofaring long tri kilo flaoa long nambawan wit wea olketa miksim wetem oliv oel, an hemi mas tekem kam tu wanfala bikfala kap oliv oel.

Levitikas 14:11

Den prist hemi mas tekem kam disfala man wetem olketa ofaring blong hem, an tufala mas kam frant long mi Yawe long doa blong Tambu Haostent.

Levitikas 14:19

“Nao bihaen, prist hemi mas kilim mere sipsip wea hemi fo mekem sakrifaes fo mekem datfala man stret moa long ae blong mi, an hemi mas kilim dae narafala man sipsip tu fo mekem sakrifaes wea hemi barava bone.

Levitikas 5:15

“Sapos eniwan hemi brekem lo long eni tambu samting blong mi Yawe bat hemi no tingim fo duim, oraet, hemi mas ofarem kam wanfala man sipsip wea hemi no garem enisamting rong long bodi blong hem, fo disfala sakrifaes fo mekem kompensesin. Praes blong sipsip hemi mas fitim wanem man ya hemi bin duim, an olketa mas makem praes blong sipsip long silva seleni wea olketa skelem long spesol skel blong prist.