Levitikas 14:11 - Pijin Bible

¹¹ Den prist hemi mas tekem kam disfala man wetem olketa ofaring blong hem, an tufala mas kam frant long mi Yawe long doa blong Tambu Haostent.

Pijin Deuterocanon

¹¹ Den prist hemi mas tekem kam disfala man wetem olketa ofaring blong hem, an tufala mas kam frant long mi Yawe long doa blong Tambu Haostent.

Levitikas 14:11 Iomraidhean Croise

Levitikas 14:10

“Oraet, long mekeit de, disfala man hemi mas tekem kam tufala smolfala man sipsip wetem wanfala smolfala mere sipsip wea hemi kasem wan yia, an trifala no garem enisamting rong long bodi blong trifala. An hemi mas tekem kam ofaring long tri kilo flaoa long nambawan wit wea olketa miksim wetem oliv oel, an hemi mas tekem kam tu wanfala bikfala kap oliv oel.

Levitikas 14:12

An prist hemi mas tekem wanfala long tufala man sipsip ya, wetem bikfala kap oliv oel, an mekem kompensesin sakrifaes blong disfala man. Prist hemi mas liftimap tufala samting ya long frant long mi olsem hemi spesol ofaring long mi.

Levitikas 14:23

Oraet, long mekeit de, disfala man hemi mas tekem kam olketa samting ya, an givim long prist long doa blong Tambu Haostent blong mi Yawe.

Nambas 8:21

An olketa long traeb blong Livae bin wasim kaleko blong olketa an mekem olketa seleva fo klin long ae blong Yawe fastaem. Den Haeprist Eron hemi ofarem olketa long frant long Yawe. An hemi mekem sakrifaes fo mekem olketa kamap stret moa long ae blong Yawe.

Jiud 1:24

!Yumi preisim God! Hem nomoa save mekem yumi fo no foldaon long sin. Hem nomoa save mekem yumi kam insaet long laet long bikfala paoa blong hem. Hem nomoa save mekem yumi fo no garem enisamting rong long laef blong yumi. Hem nomoa save mekem yumi barava hapi.