Levitikas 13:57 - Pijin Bible

⁵⁷ Bat bihaen, sapos wanfala mak olsem hemi kamaot moa long samting ya, hemi minim olsem ravis mak ya hemi stap long hem seleva, an olketa mas tekem samting ya an bonem long faea.

Pijin Deuterocanon

⁵⁷ Bat bihaen, sapos wanfala mak olsem hemi kamaot moa long samting ya, hemi minim olsem ravis mak ya hemi stap long hem seleva, an olketa mas tekem samting ya an bonem long faea.

Levitikas 13:57 Iomraidhean Croise

Aesaea 33:14

(Profet) Distaem olketa pipol long Jerusalem hu i falom wei blong sin i seksek an fraet fogud, an olketa tok olsem, “Taem Yawe hemi jajem man, panis blong hem hemi olsem faea wea hemi barava bonem olketa samting. No eniwan hemi fitim fo stap kolsap long faea ya.”

Levitikas 13:56

Bat sapos prist hemi luklukgud long samting ya, an hemi lukim dat mak ya hemi kolsap finis, nomata watkaen kaleko o skin, bat hemi mas brekemaot pis wea mak hemi stap long hem.

Levitikas 13:58

Bat sapos man hemi wasim samting ya olsem, an mak ya hemi finis from hem, hemi mas wasim moa, mekem samting ya hemi kamap klin finis.

Matiu 22:7

Long taem ya, king hemi barava kros fogud nao. So hemi sendem go olketa soldia blong hem, an olketa kilim dae olketa pipol wea olketa bin kilim dae olketa wakaman ya, an olketa bonem taon blong olketa tu.

Matiu 25:41

“Bihaen moa, bae mi tok olsem long olketa pipol hu olketa stap long lefsaet blong mi, ‘Yufala wea God bae hemi panisim yufala, yufala goawe from mi. Ples blong yufala nao hemi longwe insaet long faea wea hemi no save finis ya, wea God hemi mekredi fo Seitan an olketa enjel blong hem.

Matiu 3:12

Bikos hem nao hemi garem paoa fo jajem evriwan. Hemi olsem wanfala wakaman wea hemi klinim olketa frut blong wit, mekem olketa stap deferen from skin blong olketa. Bae hemi tekem olketa gudfala frut ya an putum olketa insaet long haos blong hem. Bat olketa skin blong wit ya bae hemi bonem long faea wea hemi no save dae.”

Diutronomi 24:8

“Sapos eniwan long yufala hemi garem ravis sik blong skin, hemi mas duim evrisamting wea olketa prist long traeb blong Livae, i talem long hem. Yufala mas barava falom olketa lo wea mi talem long olketa.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.

Revelesin 21:8

“Bat olketa pipol hu i sem long mi, an olketa hu i lusim biliv, an olketa hu i mekem olketa ravis wei, an olketa hu i kilim man dae, an olketa hu i durong wetem eniwan, an olketa hu i mekem majik, an olketa hu i wosipim olketa nara god, an olketa hu i laea tumas, olketa ya nao bae mektu dae kasem olketa. Bae olketa go long bikfala hol blong barava hot faea wea hemi bone long diskaen ston salfa.”