Levitikas 13:2 - Pijin Bible

² “Sapos eniwan hemi garem soa o boela, o skin blong hem hemi suelap lelebet an hemi kamap red, oraet, olketa mas tekem kam man ya long Eron o long wanfala prist long laen blong Eron.

Pijin Deuterocanon

² “Sapos eniwan hemi garem soa o boela, o skin blong hem hemi suelap lelebet an hemi kamap red, oraet, olketa mas tekem kam man ya long Eron o long wanfala prist long laen blong Eron.

Levitikas 13:2 Iomraidhean Croise

2 Samuel 3:29

!Letem panis blong disfala samting hemi kasem Joab wetem laen blong dadi blong hem nomoa! Letem trabol hemi gohed olowe fo kasem olketa wea bae i bon kam long laen blong Joab olsem: samfala bae garem nogud sik long samting blong man, an samfala bae garem sik long skin, an samfala bae no save wakabaot strong, an samfala bae dae long faet, an samfala bae sot long kaikai.”

2 Kings 5:1

Naaman hemi komanda blong ami blong Siria. An king long Siria hemi tinghae long hem. Hemi kamap wanfala nambawan bikman long tingting blong king blong hem bikos Yawe hemi yusim hem fo mekem ami blong Siria i winim olketa faet. Hemi wanfala nambawan soldia, bat hemi garem wanfala ravis sik long skin blong hem.

2 Kings 5:27

So ravis sik long skin blong Naaman hemi kasem yu an olketa long laen blong yu. An bae sik ya hemi stap long yufala olowe.” Taem Gehasi hemi lusim Profet Elaesa, ravis sik hemi kasem skin blong hem, an skin blong hem i waet olsem snou.

Aesaea 1:6

Ya, yufala olsem man wea hemi sik stat long hed blong hem go kasem lek blong hem. Hemi garekil evriwea long bodi blong hem, an hemi garem olketa soa long bodi blong hem. An no eni man hemi klinim olketa soa ya, o putum meresin long olketa, o paselem olketa.

Aesaea 3:17

From diswan, bae mi nao mi panisim olketa, wea bae mi mekem olketa soa fo kamap long hed blong olketa, an bae mi mekem olketa enemi fo aotem kaleko blong olketa, mekem evriwan save lukim olketa taem olketa i neket.”

Levitikas 13:1

Yawe hemi tok olsem long Mosis an Haeprist Eron,

Levitikas 13:3

Nao prist hemi mas lukluk long soa, an sapos olketa hea long ples ya hemi waet, an disfala soa hemi no stap long skin nomoa bat hemi go insaet long mit blong hem, hemi minim olsem soa ya hemi wanfala ravis sik blong skin. An prist hemi mas talemaot dat hemi no klin long ae blong mi.

Levitikas 13:8

An prist hemi mas lukluk long hem moa, an sapos hemi lukim olsem disfala soa hemi gohed fo spred, oraet, hemi mas talemaot dat hemi no klin long ae blong mi, bikos soa ya hemi wanfala ravis sik blong skin.

Levitikas 14:3

an prist hemi mas goaot from ples wea yufala stap long hem, an hemi mas go lukim man wea hemi stap aotsaet. Long datfala ples hemi mas luklukgud long bodi blong hem. Sapos ravis sik long skin blong hem hemi finis,

Levitikas 14:35

oraet, ona blong haos hemi mas kam talemaot long prist wea hemi tingse wanfala ravis mak hemi grou long wol blong haos blong hem.

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Nambas 12:10

an klaod ya tu hemi muvaot from Tambu Haostent. Long semtaem tu wanfala ravis sik hemi kasem skin blong Miriam wea hemi spoelem finis bodi blong hem, an hemi mekem skin blong hem fo barava waet fogud. An Eron hemi lukim samting ya long skin blong Miriam.

Nambas 12:12

Yu no letem bodi blong sista blong yumitufala fo kamap ravis olsem pikinini wea hemi dae finis bifoa hemi bon kam.”

Matiu 8:4

An Jisas hemi tok olsem long man ya, “Yu no stori abaotem diswan long eniwan. Bat yu mas go an letem prist fo lukluk long bodi blong yu fastaem. An bihaen, yu mas go an mekem sakrifaes olsem Mosis hemi bin talem, mekem olketa save dat yu gudbaek finis nao.”

Gudnius abaotem Jisas Kraes wea Luk hemi raetem 17:14

Nao taem Jisas hemi lukim olketa nomoa, hemi tok olsem long olketa nao, “Yufala mas go an letem olketa prist fo lukluk long bodi blong yufala fastaem.” Taem olketa lusim Jisas an olketa go-go long rod yet, bodi blong olketa hemi gudbaek moa nao.

Gudnius abaotem Jisas Kraes wea Luk hemi raetem 5:14

An Jisas hemi tokstrong long hem olsem, “Yu no talem eniwan abaotem diswan, bat yu mas go an letem prist fo lukluk long bodi blong yu. An bihaen, yu mas go an mekem sakrifaes olsem Mosis hemi bin talem, mekem olketa save dat yu gudbaek finis nao.”

Diutronomi 24:8

“Sapos eniwan long yufala hemi garem ravis sik blong skin, hemi mas duim evrisamting wea olketa prist long traeb blong Livae, i talem long hem. Yufala mas barava falom olketa lo wea mi talem long olketa.

Diutronomi 28:27

Yawe bae hemi mekem yufala fo sik long olketa boela olsem pipol blong Ijip i garem bifoa kam. Bae hemi mekem olketa bodi blong yufala i garem plande soa wea i fulap long nana. An bae bodi blong yufala i gohed fo skras olobaot, bat no eni meresin hemi stap fo mekem yufala kamap gud moa.