Levitikas 11:47 - Pijin Bible

⁴⁷ Yufala mas waes gud fo makem olketa samting wea hemi klin long ae blong mi an olketa samting wea hemi no klin long ae blong mi. An yufala mas makem tu long olketa laef samting wea yufala save kaikaim, an olketa samting wea hemi tambu fo yufala kaikaim.”

Pijin Deuterocanon

⁴⁷ Yufala mas waes gud fo makem olketa samting wea hemi klin long ae blong mi an olketa samting wea hemi no klin long ae blong mi. An yufala mas makem tu long olketa laef samting wea yufala save kaikaim, an olketa samting wea hemi tambu fo yufala kaikaim.”

Levitikas 11:47 Iomraidhean Croise

Jenesis 7:2

Yu mas tekem fotin long evrikaen animol wea i klin long ae blong mi, seven wea i manwan an seven wea i merewan. An yu mas tekem tu tufala long evrikaen animol wea i no klin long ae blong mi, wanfala wea i manwan an wanfala wea i merewan.

Esikiel 22:26

Evri prist blong olketa i brekem lo blong mi, an nating tinghae long olketa tambu samting blong mi. Olketa no makem olketa samting wea hemi tambu an olketa samting wea hemi no tambu. Olketa nating tisim nomoa olketa pipol fo luksave long olketa samting wea hemi klin long ae blong mi, an olketa samting wea hemi no klin long ae blong mi. Olketa nating kipim tu Sabat de blong mi fo res, an olketa les fo luksave taem olketa pipol no kipim Sabat de ya blong mi. Dastawe nao olketa nating tinghae long mi.

Esikiel 44:23

Olketa prist ya mas tisim olketa pipol blong mi fo luksave long olketa samting wea hemi tambu, an olketa samting wea hemi no tambu. An fo luksave long olketa samting wea hemi klin long ae blong mi, an olketa samting wea hemi no klin.

Daniel 1:8

Bat Daniel hemi no laek fo kaikaim olketa kaikai an dringim waen ya long haos blong king, bikos hemi save dat bae olketa samting ya i save mekem hem no klin long ae blong God. So, hemi askem Aspenas fo helpem hem.

Levitikas 10:10

Yufala mas waes gud fo makem olketa samting wea hemi tambu an olketa samting wea hemi no tambu, an fo makem olketa samting wea hemi klin long ae blong mi an olketa samting wea hemi no klin long ae blong mi.

Levitikas 11:46

“Hem nao olketa lo wea hemi tokabaotem olketa kaen animol, an olketa kaen bed, an olketa kaen fis wetem eni narasamting long wata, an olketa kaen inseks.

Levitikas 12:1

Yawe hemi tok olsem long Mosis,

Malakae 3:18

An long datfala taem, bae yufala luksave wea olketa stretfala pipol hu i obeim mi i barava deferen from olketa nogud pipol hu i nating obeim mi.? Hem nao toktok blong Yawe hu hemi garem evri paoa.