Levitikas 11:25 - Pijin Bible

²⁵ Eniwan wea hemi karim eni animol wea hemi no klin an hemi dae hemi mas wasim olketa kaleko blong hem, an hemi no klin long ae blong mi go-go kasem ivining.

Pijin Deuterocanon

²⁵ Eniwan wea hemi karim eni animol wea hemi no klin an hemi dae hemi mas wasim olketa kaleko blong hem, an hemi no klin long ae blong mi go-go kasem ivining.

Levitikas 11:25 Iomraidhean Croise

Sams 51:2

Wasimaot olketa nogud wei long laef blong mi, an mekem mi klin from olketa sin blong mi.

Sams 51:7

Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Eksodas 19:10

An Yawe hemi tok olsem long hem, “Yu gobaek moa long olketa pipol an talem olketa dat tude an tumoro, bae yu mektambu long olketa, mekem olketa save mekem wosip long mi. Olketa mas wasim olketa kaleko blong olketa tu,

Eksodas 19:14

Taem Mosis hemi kamdaon moa long maonten ya, hemi mektambu long olketa, mekem olketa save mekem wosip long God. An olketa wasim olketa kaleko blong olketa nao.

Levitikas 11:24

“Sapos eniwan long yufala hemi tasim bodi blong eni animol wea hemi no klin an hemi dae, bae hemi no klin long ae blong mi go kasem ivining.

Levitikas 11:26

Yufala save dat samfala kaen animol i no klin long ae blong mi. Diskaen animol nao hemi olketa wea fut blong hem hemi no divaed long tufala haf, o olketa wea i no save kaikaim gras olsem buluka. Olketa kaen animol ya i no klin long ae blong mi an sapos eniwan hemi tasim bodi blong eni animol olsem wea hemi dae, oraet hem tu bae hemi no klin long ae blong mi.

Levitikas 11:28

Eniwan wea hemi karim bodi blong eni animol olsem wea hemi dae, hemi mas wasim kaleko blong hem an bae hemi no klin long ae blong mi go-go kasem ivining.

Levitikas 11:40

O sapos wanfala man hemi kaikaim mit blong eni animol olsem, oraet, hemi mas wasim olketa kaleko blong hem, an bae hemi no klin long ae blong mi go-go kasem ivining. An sapos eniwan hemi karim animol olsem, oraet, hemi mas wasim olketa kaleko blong hem, an bae hemi no klin long ae blong mi go-go kasem ivining.

Levitikas 13:6

An long mekseven de blong hem, prist hemi mas lukluk long hem moa, an sapos disfala soa hemi no spred, hemi kamap smol, prist hemi mas talemaot dat man ya hemi klin, bikos samting ya hemi wanfala soa nomoa. Bat disfala man hemi mas wasim olketa kaleko blong hem, mekem hemi kamap klin finis long ae blong mi.

Levitikas 14:46

An yu save, eniwan hu hemi go insaet long haos ya long taem wea prist hemi satem, hemi no klin long ae blong mi, an hemi no klin olsem go kasem ivining.

Levitikas 14:47

An eniwan hu hemi bin leidaon o kaikai insaet long haos ya, hemi mas wasim olketa kaleko blong hem.

Levitikas 14:8

Bihaen, man ya hemi mas wasim olketa kaleko an hemi mas resarem evri hea blong hem, an hemi mas suim, an taem hemi duim olketa samting ya, hemi klin long ae blong mi. Stat long datfala taem, hemi save kam insaet long ples wea yufala stap long hem, bat hemi no save go insaet long haostent blong hem. Hemi mas slip aotsaet long haostent blong hem go kasem sevenfala de.

Levitikas 15:13

“An sapos datfala sik hemi finis, an nana hemi finis nao, oraet, datfala man hemi mas stap olsem fo sevenfala de, an bihaen hemi mas wasim olketa kaleko blong hem, an hemi mas suim long springwata, an bae hemi kamap klin long ae blong mi.

Levitikas 15:15

An prist hemi mas kilim wanfala fo mekem sakrifaes fo mekem man ya stret moa long ae blong mi, an hemi mas kilim narawan fo mekem sakrifaes wea hemi barava bone. Long disfala wei, datfala man hemi save kamap klin long ae blong mi.

Levitikas 15:5

An sapos narafala man hemi tasim datfala bed, o sidaon long samting wea man ya hemi bin sidaon long hem, oraet, hemi mas wasim olketa kaleko blong hem, an hemi mas suim, an hemi no klin long ae blong mi go kasem ivining.

Levitikas 16:26

“Oraet, man wea hemi tekem nanigot go long drae eria fo go long Asasel, hemi mas wasim olketa kaleko blong hem, an hemi mas suim, bifoa hemi save kam insaet long ples wea yufala stap long hem.

Levitikas 16:28

An bihaen, olketa mas wasim kaleko blong olketa, an olketa mas suim, bifoa olketa save kam insaet long ples wea yufala stap long hem.”

Levitikas 17:15

“An sapos eniwan long yufala o eni strensa hu hemi stap wetem yufala, hemi kaikaim mit blong animol wea hemi dae seleva, o wael animol hemi kilim hemi dae, datfala man hemi mas wasim kaleko blong hem, an hemi mas suim, an hemi no klin long ae blong mi go kasem ivining. Bat bihaen, bae hemi klin long ae blong mi.

Levitikas 22:6

An sapos prist hemi no klin olsem, hemi no klin go kasem long ivining, an hemi tambu fo hemi kaikaim olketa tambu kaikai long datfala taem. Taem wea san hemi godaon, bae hemi mas suim mekem hemi kamap klin, an bihaen, hemi save kaikai long tambu kaikai bikos hemi pat long kaikai blong hem.

Sekaraea 13:1

?Long datfala de, bae mi openem wanfala gudfala springwata, mekem olketa laen blong Deved an olketa pipol blong Jerusalem save yusim fo kamap klin long ae blong mi from olketa sin blong olketa an olketa narafala samting wea i mekem olketa fo kamap no klin.

Nambas 19:10

An man hu hemi go putum asis blong buluka, hemi mas wasim olketa kaleko blong hem, an hem tu bae hemi no klin long ae blong mi go-go kasem taem san hemi godaon. Yufala pipol blong Israel, wetem olketa strensa wea i stap wetem yufala, yufala mas falom disfala lo evritaem an olowe.”

Nambas 19:19

Klin man ya hemi mas splasem go isi disfala tambu wata long man hu hemi no klin long mektri de an long mekseven de blong hem. So long mekseven de bae man hu hemi no bin klin hemi kamap stret moa long ae blong mi. Hemi mas wasim olketa kaleko blong hem, an hemi mas suim mekem bodi blong hem hemi klin. So long taem wea san hemi godaon hemi jes kamap klin moa long ae blong mi.

Nambas 19:7

Bihaen, hemi mas wasim olketa kaleko blong hem, an hemi mas suim, bifoa hemi save kam insaet long ples wea yufala stap long hem. Bat bae prist hemi no klin long ae blong mi yet go-go kasem taem san hemi godaon.

Nambas 19:8

An man hu hemi bonem buluka ya, hem tu hemi mas wasim kaleko blong hem, an hemi mas suim. Bat bae hem tu hemi no klin long ae blong mi yet go-go kasem taem san hemi godaon.

Nambas 31:24

An long mekseven de, bae yufala mas wasim olketa kaleko blong yufala, an bae yufala kamap klin long ae blong hem, bifoa yufala save kam insaet long ples blong yumi.”

Gudnius abaotem Jisas Kraes wea Jon hemi raetem 13:8

Nao Pita hemi tok long hem olsem, “!Bae yu nating save wasim lek blong mi ya! !Nomoa nao!” Jisas hemi sei long hem, “Sapos mi no wasim lek blong yu, yu no blong mi nao ya.”

Aposol 22:16

?So wanem nao yu weitem ya? Yu getap, yu prea go long nem blong Masta nao an yu baptaes, mekem God hemi wasimaot olketa sin blong yu.’

Hibrus 10:22

Hemi bin mekem tingting blong yumi fo kamap klin an no filsem moa, an hemi mekem bodi blong yumi tu fo kamap klin wetem gudfala wata. So yumi mas kam kolsap long God nao, wea yumi garem gudfala tingting an biliv blong yumi hemi barava strong.

Hibrus 9:10

Bikos olketa samting ya hemi blong aotsaet blong man nomoa, olsem olketa rul abaotem kaikai an dring an wei fo wasim olketa seleva. God hemi givim kam olketa rul ya, mekem olketa stap kasem taem wea God bae hemi sensim evrisamting fo stap long niufala wei moa.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.

1 Jon 1:7

Bat sapos yumi falom wei blong laet olsem God hemi long laet, bae yumi save stapgud tugeta olowe. An bae blad blong Jisas San Blong God, hemi mekem yumi barava klin from evri sin blong yumi.

Revelesin 7:14

An mi ansarem hem olsem, “Masta, yu nomoa yu save.” So hemi sei long mi olsem, “Hem nao olketa pipol hu i bin gotru long bikfala trabol ya. An long distaem olketa wasim finis kaleko blong olketa long blad blong Smolfala Sipsip ya, an kaleko blong olketa hemi kamap waet moa.