Levitikas 11:13 - Pijin Bible

^13-19 “Samfala kaen bed hemi tambu fo yufala kaikaim. Olketa bed ya i olsem olketa kaen igol, an olketa kaen hok, an olketa kaen aol, an olketa kaen sigal, an olketa kaen kiokio, an olketa kaen flaefoks. Yufala mas save dat olketa kaen bed ya i barava nogud tumas.

Pijin Deuterocanon

^13-19 “Samfala kaen bed hemi tambu fo yufala kaikaim. Olketa bed ya i olsem olketa kaen igol, an olketa kaen hok, an olketa kaen aol, an olketa kaen sigal, an olketa kaen kiokio, an olketa kaen flaefoks. Yufala mas save dat olketa kaen bed ya i barava nogud tumas.

Levitikas 11:13 Iomraidhean Croise

Stori abaotem Job 28:7

Olketa igol i save flae hae long skae, bat olketa no save long rod fo go long maen ya. Nomata bikfala bed wea hemi save flae hae antap, hemi nating save lukim nomoa rod ya.

Stori abaotem Job 38:41

?Hu nao hemi givim kaikai long olketa bikfala bed taem olketa hanggre an lukaotem kaikai? ?Ya, hu nao hemi fidim pikinini blong olketa bed ya taem olketa hanggre an krae kam long mi?

Jeremaea 4:13

(Profet) !Yufala lukim! Olketa enemi ya hemi olsem disfala strong win wea hemi kam wetem bikfala klaod. Olketa kaat fo faet blong olketa i kam olsem saekloun stret, an olketa hos blong olketa i gohed fo ran kuiktaem tumas winim olketa igol. Bae yufala kraeaot olsem, “!Man! !Yumi dae finis nao!”

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Jeremaea 48:40

“!Lukim kam! Olketa enemi bae i kam kuiktaem agensim Moab, olsem bikfala igol hemi flae kamdaon kuiktaem nomoa fo holem kaikai.

Lamentesin 4:19

Olketa enemi i aftarem yumi kuiktaem moa, winim igol save flae kamdaon fo kasholem animol. Olketa ronem yumi antap long olketa maonten, an haed long drae eria fo kasholem yumi.

Hosia 8:1

Yawe hemi gohed fo tok olsem, “!Sekiuriti! !Bloum trampet fo wonem olketa pipol! Olketa enemi i redi fo kamdaon nao an tekova long kantri blong mi Yawe, olsem bikfala igol hemi sut kamdaon fo kasholem kokorako. Olketa pipol blong mi i brekem finis disfala agrimen wea mi bin mekem wetem olketa, an olketa les fo obeim tising blong mi nao.

Levitikas 11:11

Yufala mas save dat olketa kaen samting ya i barava nogud. Olketa kaen samting ya i no klin long ae blong mi, an sapos olketa dae, yufala mas no tasim olketa.

Levitikas 11:12

Evri laef samting wea hemi stap long wata o long solwata wea i no garem fin an skel long olketa, yufala mas save dat i barava nogud tumas.

Habakuk 1:8

?Evri hos blong olketa save go kuiktaem tumas winim bikfala wael puskat wea olketa kolem lepad. An wei blong olketa fo faet hemi raf tumas winim olketa wael dog wea i hanggre tumas an laek fo kaikai. Olketa hos ya i gohed fo skrasim graon, bikos olketa hariap fo go. An olsem wea igol hemi flae kuiktaem kamdaon fo kasholem animol fo kaikaim, olketa soldia hu i raedem hos i kam kuiktaem from farawe ples fo spoelem enemi blong olketa.

Sekaraea 5:9

Den mi luk goap, mi lukim tufala narafala woman wea i flae kam. Wing blong tufala i strong fogud, olsem wing blong bikfala bed wea olketa kolem stok. Tufala flae kamdaon fo tekem basket ya an flae go wetem.

Matiu 24:28

“An yumi save, eni ples wea samting wea hemi dae hemi stap long hem, bae olketa igol i kam fo hipap raonem hem nao ya.”

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.