Levitikas 10:1 - Pijin Bible

¹ Nao Nadab an Abihu hu i tufala san blong Haeprist Eron, tufala tekem tufala dis, an putum asis blong faea wea hemi laet, an tufala putum insens long faea, nao tufala tekem insaet long ples wea Yawe hemi stap. Bat faea ya hemi nating holi bikos Yawe hemi nating talem tufala fo duim.

Pijin Deuterocanon

¹ Nao Nadab an Abihu hu i tufala san blong Haeprist Eron, tufala tekem tufala dis, an putum asis blong faea wea hemi laet, an tufala putum insens long faea, nao tufala tekem insaet long ples wea Yawe hemi stap. Bat faea ya hemi nating holi bikos Yawe hemi nating talem tufala fo duim.

Levitikas 10:1 Iomraidhean Croise

1 Kings 18:38

Den Yawe hemi sendem faea kamdaon, an bonem finis sakrifaes ya, an faeawud, an olketa ston, an graon, an wata wea i stap long hol raonem olta ya hemi kamap drae finis.

Sams 141:2

Mi laekem yu fo hapi long prea blong mi olsem wea yu hapi long smok blong insens wea prist hemi bonem go long yu. Ya, mi laekem yu fo hapi long mi taem mi liftimap han blong mi fo prea go long yu, olsem wea yu hapi long ivining sakrifaes.

Eksodas 24:1

Yawe hemi gohed fo tok olsem long Mosis, “Yu tekem Eron, an Nadab, an Abihu, wetem seventi long olketa lida blong yufala, an yufala kamap long mi Yawe antap long disfala maonten. An taem yufala kam farawe lelebet yet, bae yufala mas bendaon fo wosipim mi.

Eksodas 24:9

Nao Mosis wetem Eron, an Nadab, an Abihu an olketa seventifala lida ya i go antap long maonten ya,

Eksodas 27:3

Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Eksodas 28:1

Yawe hemi tok olsem moa long Mosis, “Taem yu gobaek, bae yu mas kolem brata blong yu Eron an olketa san blong hem, Nadab, an Abihu, an Eleasa, an Itama, an tekemaot olketa from pipol blong Israel mekem olketa save waka fo mi olsem prist.

Eksodas 31:11

an Tambu Oel ya fo mektambu long olketa samting ya fo mi, an Insens wea hemi garem gudfala smel, wea olketa prist bae i gohed fo yusim long Tambu Rum. Olketa mas wakem olketa samting ya, barava olsem wea mi bin talem long yu.”

Eksodas 37:29

Olketa barava wakem gudfala disfala tambu oel fo mektambu long olketa samting. An olketa barava wakem gudfala tu disfala tambu insens wea hemi garem gudfala smel.

Eksodas 38:3

Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras.

Eksodas 40:27

Nao hemi tekem tambu insens wea hemi garem gudfala smel, an bonem antap long olta ya barava olsem wea Yawe bin talem.

Eksodas 6:23

Eron ya, hemi maritim Eliseba hu hemi dota blong Aminadab an sista blong Nason. Eron an Eliseba i garem fofala san, wea nem blong olketa nao, Nadab, an Abihu , an Eleasa, an Itama.

Eksodas 8:27

Mifala mas wakabaot go long drae eria fo trifala de fo mekem sakrifaes long Yawe, God blong mifala, barava olsem wea hemi bin talem long mifala.”

Jeremaea 19:5

Olketa wakem olketa olta blong god Baal fo bonem olketa pikinini blong olketa long faea, fo sakrifaesim go long hem. Bat mi no talem olketa fo duim olsem. Diskaen barava ravis samting hemi no kamaot long tingting blong mi.

Jeremaea 32:35

Olketa bin wakem olta blong god Baal long vali long Hinom, an olketa gohed fo bonem olketa san an olketa dota blong olketa long hem, fo sakrifaesim go long god Molek. Bat mi no talem olketa fo duim olsem. Diskaen samting ya wea olketa duim barava ravis samting olsem, mekem olketa blong Jiuda i foldaon long sin, kaen samting ya hemi no kamaot long tingting blong mi.”

Jeremaea 44:15

Nao olketa man hu i save dat olketa waef blong olketa i gohed fo bonem insens fo mekem wosip long olketa narafala god, an olketa woman hu i gohed fo stanap long ples ya wetem plande pipol blong Jiuda moa wea i kam from not blong Ijip an from saot blong Ijip, olketa tok olsem long Jeremaea,

Jeremaea 44:8

?Waswe nao yufala gohed fo mekem mi kros tumas long wei wea yufala gohed fo mekem wosip long olketa kaving wea yufala seleva bin wakem? ?Waswe nao yufala gohed fo bonem insens fo mekem wosip long olketa narafala god long Ijip wea yufala kam stap long hem? Bae yufala i spoelem yufala seleva nomoa ya, nao olketa pipol long wol i tokspoelem yufala nogud. An bae pipol i gohed fo yusim nogud nem blong yufala fo mekem trabol hemi kam long man.

Jeremaea 7:31

An long vali long Hinom, olketa wakem olta wea olketa kolem hem Tofet, nao olketa gohed fo bonem olketa san an olketa dota blong olketa long hem, fo sakrifaesim go long olketa narafala god. Bat mi no talem olketa fo duim olsem. Diskaen samting ya hemi no kamaot long tingting blong mi.

Levitikas 16:1

Nao Yawe hemi tok long Mosis bihaen long de wea tufala pikinini blong Eron i dae bikos tufala kam long Yawe long wei hemi no stret.

Levitikas 16:12

hemi mas kam long olta fo bonem insens, an hemi mas tekemaot samfala asis faea wea hemi laet, an fulumap long wanfala dis, an hemi mas tekem kam long han blong hem samfala insens paoda wea hemi smel naes. Den hemi mas kam insaet long disfala Barava Tambu Rum.

Levitikas 22:9

“Olketa prist mas obeim wanem mi talem olketa fo duim, nogud olketa spoelem tambu ya, an olketa mas panis mekem olketa dae. Mi nao Yawe, mi nao mi mekem olketa holi.

Levitikas 9:24

Seknomoa, faea hemi kamaot from ples wea Yawe hemi stap an hemi bonem evri mit an gris blong sakrifaes long olta. An taem olketa pipol i lukim disfala samting, olketa singaot bikfala, an baodaon go-go fes blong olketa i kasem graon.

Nambas 16:46

An Mosis hemi tok olsem long hae prist, “!Ei! !Yawe hemi kros finis! !Wanfala ravis sik hemi gohed fo kilim olketa dae! Yu kuiktaem go tekem dis blong yu, an tekem faea long olta an putum long hem wetem insens, an yu karim go long olketa, an ofarem go long Yawe fo tekemaot sin blong olketa.”

Nambas 26:61

Bat Nadab an Abihu, tufala dae long taem wea tufala bonem insens fo Yawe long faea wea hemi no tambu.

Nambas 4:18

“Taem olketa long laen blong Kohat i kam fo karim olketa samting wea i barava tambu fogud, yutufala mas lukaot gudfala, nogud laen ya hemi lus from traeb blong Livae. Yutufala mas duim evrisamting long stretfala wei mekem olketa stap laef taem olketa kam kolsap long olketa tambu samting. Eron, wetem tufala san blong hem nomoa, trifala mas kam insaet fastaem fo givimaot waka blong olketa. An trifala mas talemaot evrisamting wea bae olketa mas karim, bikos sapos olketa kam insaet long Tambu Haostent an lukim olketa tambu samting, nomata hemi lelebet taem nomoa, bae olketa dae long hem.”

Diutronomi 12:32

“Yufala mas duim evrisamting wea mi talem finis long yufala. Yufala mas no adem go eni toktok moa, an yufala mas no tekemaot eni toktok long hem.”

Diutronomi 17:3

Maet man olsem hemi go agensim lo blong Yawe an wosipim olketa narafala god, o maet hemi wosipim san, o mun, o olketa sta.

Diutronomi 4:2

Olketa toktok wea bae mi givim long yufala, yufala mas no adem eni toktok moa long hem. An yufala mas no tekemaot eni smol haf long hem tu. Olketa toktok ya hemi strongfala toktok blong Yawe an yufala mas obeim.

Hibrus 9:4

An insaet long disfala rum ya, olketa kipim disfala olta fo bonem insens long hem wetem Tambu Boks long Spesol Agrimen blong God. Olta an boks ya, olketa kavarem tufala evriwan long gol long evri saet blong hem. An insaet long boks ya, olketa kipim disfala botol long gol wea lelebet kaikai wea olketa kolem “mana” nao hemi stap insaet long hem. An insaet long boks tu, disfala wokingstik blong Eron hemi stap wea hemi bin groubaek moa olsem tri wea hemi garem lif an flaoa an frut long hem. An narasamting long boks ya tu, hemi tufala ston wea God hemi bin raetemdaon Lo long tufala.