Levitikas 1:17 - Pijin Bible

¹⁷ An hemi mas holem tufala wing blong hem, an pulum fo brekem lelebet bodi blong hem, an hemi mas bonem antap long faea long olta. Hemi mas bonem kurukuru ya finis mekem hemi wanfala tambu samting wea smel blong hem hemi mekem mi Yawe hapi.”

Pijin Deuterocanon

¹⁷ An hemi mas holem tufala wing blong hem, an pulum fo brekem lelebet bodi blong hem, an hemi mas bonem antap long faea long olta. Hemi mas bonem kurukuru ya finis mekem hemi wanfala tambu samting wea smel blong hem hemi mekem mi Yawe hapi.”

Levitikas 1:17 Iomraidhean Croise

Jenesis 15:10

Nao Ebram hemi go an tekem kam evrisamting ya long Yawe. Nao hemi kilim dae olketa, an hemi splitim trifala animol ya long olketa tufala haf, an hemi putum olketa haf blong trifala animol ya long tufala laen, wea wanfala haf long animol hemi stap long wanfala saet an narafala haf blong hem hemi stap long narasaet. Bat tufala bed ya, hemi no splitim tufala.

Jenesis 8:21

God hemi hapi tumas long gudfala smel blong olketa sakrifaes ya, an hemi gohed fo tingting seleva olsem, “Bae mi no spoelem moa wol ya from olketa samting wea olketa man gohed fo mekem, bikos mi save nao hemi olsem, stat long taem wea olketa i smol pikinini nomoa, tingting blong olketa hemi stap finis long olketa samting nogud. Distaem mi spoelem finis olketa man wetem olketa narafala samting wea i garem laef, olketa evriwan i dae finis nao, bat bae mi no save duim moa olsem bihaen, olsem wea mi duim distaem.

Sams 16:10

Mi barava sef, bikos yu no save letem mi go long Grev. Ya, yu no save letem mi hu mi tinghevi long yu, fo lus from yu taem mi dae.

Levitikas 2:2

Taem hemi putum finis, hemi mas go givim olketa samting ya long prist long laen blong Eron. Nao prist ya hemi mas tekem lelebet haf long flaoa an oel wetem evri insens ya, an hemi mas bonem long olta fo somaot dat man hemi givim olketa flaoa ya long mi an hemi tambu samting wea smel blong hem hemi mekem mi Yawe hapi.

Levitikas 3:5

Den prist ya hemi mas bonem olketa samting ya long olta, wetem narafala sakrifaes wea hemi barava bonem. Long wei olsem, hemi wanfala tambu samting wea smel blong hem hemi mekem mi Yawe hapi.

Levitikas 5:8

Taem man ya hemi tekem kam tufala bed long prist, prist hemi mas tekem faswan fo mekem sakrifaes fo mekem hem stret moa long ae blong mi. Hemi mas skuisim nek blong bed ya fo kilim hem dae, bat hemi mas no pulumaot hed blong hem,

Levitikas 6:14

Yawe hemi gohed fo tok olsem long Mosis, “Hem ya nao lo blong ofaring long flaoa blong nambawan wit. Prist long laen blong Eron mas tekemaot samfala nambawan flaoa long han blong hem an miksim wetem oliv oel an insens, an hemi mas karim kam long frant long olta fo givim long mi. Den hemi mas bonem long olta fo somaot dat man ya hemi givim long mi, an hemi tambu samting wea smel blong hem hemi mekem mi Yawe hapi.

Levitikas 9:13

An olketa tekem hed blong sipsip ya wetem olketa pisis blong hem, an givim long hem an hemi bonem long olta.

Nambas 15:3

Hemi tok olsem, “Sapos yufala wande fo mekem tambu ofaring, yufala save tekem wanfala buluka, o sipsip, o nanigot. Long olketa animol ya nao bae yufala save mekem sakrifaes wea hemi barava bone, o sakrifaes bikos yufala bin mekem wanfala strong promis, o sakrifaes wea yufala mekem falom wanem yufala laekem, o olketa sakrifaes wea yufala mekem long olketa fist blong yufala. Hem nao ofaring wea gudfala smel blong hem hemi mekem mi Yawe mi hapi tumas.

Nambas 28:8

An long ivining, yufala mas sakrifaesim mektu sipsip, an yufala mas ofarem kam sem kaen ofaring long flaoa an waen olsem yufala ofarem long moning. Olketa samting hemi wanfala tambu ofaring long faea, an gudfala smel blong hem hemi mekem mi hapi tumas.”

Matiu 27:50

Nao Jisas hemi singaot bikfala an hemi dae nao.

Gudnius abaotem Jisas Kraes wea Jon hemi raetem 19:30

Taem Jisas hemi dringim waen ya finis, hemi tok olsem nao, “Mi finisim waka ya nao.” An Jisas hemi benem daon hed blong hem nomoa, an hemi dae nao.

Leta wea Pol hemi raetem go long sios long Rom 4:25

God hemi givim kam Jisas fo dae fo finisim olketa sin blong yumi, an hemi mekem hem laefbaek moa fo mekem yumi stret long ae blong God.

1 Pita 3:18

Bikos Kraes hu hemi stret long ae blong God, hemi dae fo tekem ples blong olketa pipol hu i nogud tumas. Dae blong hem nao hemi tekemaot evri sin blong yufala finis, an hemi mekem yufala kambaek moa long God. Taem hemi stap long disfala wol, olketa pipol kilim hem dae, bat Spirit blong God hemi mekem hem fo laefbaek moa long tru laef.