Lamentesin 5:1 - Pijin Bible

¹ Yawe, plis yu tingim disfala trabol wea hemi kasem mifala. Lukim tu wea mifala sem tumas.

Pijin Deuterocanon

¹ Yawe, plis yu tingim disfala trabol wea hemi kasem mifala. Lukim tu wea mifala sem tumas.

Lamentesin 5:1 Iomraidhean Croise

Nehemaea 1:3

Nao olketa tok olsem long mi, “Evriwan long yumi hu i stap laef yet an bin gobaek long distrik long Jiuda, trabol nao hemi kasem mifala ya, an mifala sem tumas. Bikfala wolston blong Jerusalem ya hemi kamap nogud, an olketa geit blong hem i bone nogud long faea.”

Nehemaea 1:8

“Plis yu no fogetem olketa toktok wea yu talem long Mosis bifoa, ‘Sapos yufala les long mi, bae mi ronem yufala aot fo stap olobaot long olketa narafala kantri.

Nehemaea 4:4

Nao mi prea olsem, “O God blong mifala. Plis yu herem prea blong mi. Olketa ya barava lukdaonem mifala fogud. Plis yu mekem olketa nogud toktok ya blong Sanbalat an Tobaea fo kasem tufala seleva nao. Plis yu mekem olketa enemi fo fosim olketa fo lusim lan blong olketa an stap long narafala kantri.

Stori abaotem Job 10:9

Yu tingim fastaem, wea yu nao bin mekem mi long graon. ?Waswe, bae yu krasim mi, mekem mi kamap moa olsem dast?

Stori abaotem Job 7:7

God, yu tingim kam laef blong mi. Laef blong mi hemi olsem nomoa lelebet win. Ating bae mi no lukim eni gudfala samting moa.

Sams 119:153

Lod Yawe, mi barava safa tumas nao long bodi blong mi. Plis yu sevem mi from disfala trabol, bikos mi nating fogetem olketa gudfala tising blong yu.

Sams 74:18

Lod Yawe, yu mas tingim dat olketa enemi blong yu i mekfan nomoa long yu ya. Olketa ya i no bilivim yu, an i tokspoelem nem blong yu.

Sams 79:12

Masta, olketa pipol long olketa narafala kantri i tokspoelem yu. Plis yu panisim olketa olowe fo olketa ravis toktok ya.

Sams 79:4

Olketa hiden pipol hu i stap raonem mifala i tokspoelem mifala, an olketa gohed fo la-laf an mekfan long mifala.

Aesaea 62:6

Mi putum finis olketa sekiuriti antap long olketa bikfala wolston long Jerusalem. Evri de an evri naet, olketa mas no stap kuaet. Ya, olketa mas gohed fo talem Yawe fo no fogetem olketa promis blong hem.

Jeremaea 15:15

(Profet) Yawe, yu savegud long laef blong mi. Olketa pipol ya i gohed fo mekem mi safa. Plis yu tingim mi an lukaftarem mi. Yu sensimbaek long olketa disfala wei blong olketa fo spoelem mi. Plis yu no weit fo panisim olketa go-go olketa kilim mi dae. Yu no fogetem wea olketa ya gohed fo toktok nogud long mi bikos mi wakaman blong yu.

Jeremaea 51:51

Yawe hemi gohed fo tok olsem, “Yufala tok olsem, ‘Pipol bin toknogud long mifala, an mifala barava sem tumas, bikos olketa strensa bin go insaet long olketa barava tambu ples long Tambuhaos blong Yawe.’

Lamentesin 1:11

Olketa pipol blong Jerusalem i gohed fo krae, taem olketa olobaot fo lukaotem kaikai. Olketa salem gudfala samting blong olketa fo peim kaikai, mekem olketa save laef. “!Yawe! Evriwan barava tingdaonem mi nao. !Plis yu sore an luk kam long mi!

Lamentesin 1:20

“!O Yawe! !Lukim kam! !Mi safa fogud! Mi barava sore tumas, bikos mi bin gohed fo agensim yu. Insaet long haos blong mi, pipol i dae, an long aotsaet, olketa enemi gohed fo kilim evriwan dae.

Lamentesin 1:9

Evriwan save lukim sin blong hem, bat hemi no wari nomoa long wanem bae hemi hapen. Bat olketa enemi i daonem hem nogud, an no eniwan save helpem hem. “!O Yawe! Olketa enemi i winim mi finis. !Plis yu lukim mi, an sore long mi!”

Lamentesin 2:15

Olketa hu i gopas long yu, i lukdaonem yu, an bikos olketa enemi i spoelem yu finis, olketa toknogud long yu olsem, “?Waswe, hem nao disfala taon wea hemi nambawan long wol ya, an evriwan i hapi fogud long hem?”

Lamentesin 2:20

“!O Yawe! Plis yu luk kam long mi, an tingim: ?Yu bin panisim eniwan olsem bifoa? Nomata olketa woman wea i lavem tumas olketa pikinini blong olketa, olketa gohed fo kaikaim ded bodi blong olketa. Olketa prist an olketa profet blong yu, olketa enemi i gohed fo kilim olketa insaet long tambuples blong yu.

Lamentesin 3:19

Oltaem mi tingting long trabol blong mi, wea mi barava filnogud tumas, olsem wea mi no garem hom fo res long hem, an mi fil olsem wea mi dringim poesen.

Lamentesin 3:50

go-go kasem taem wea Yawe hu hemi stap long heven, hemi luk kamdaon long trabol ya.

Lamentesin 3:61

O Yawe, yu herem wea olketa toknogud long mi, an mekem plan agensim mi.

Habakuk 3:2

Lod Yawe. Mi herem finis nius abaotem olketa samting wea yu bin duim. So, mi barava tinghae long yu. Plis yu duim moa distaem olketa semkaen samting wea yu bin duim bifoa. Nomata yu kros long mifala, plis yu sore kam nomoa long mifala.

Gudnius abaotem Jisas Kraes wea Luk hemi raetem 23:42

Nao hemi tok olsem long Jisas, “Jisas, taem yu kamap King yu mas tingim mi.”