Lamentesin 4:5 - Pijin Bible

⁵ Bifoa, olketa pipol bin kaikaim nambawan kaikai. Distaem, olketa hanggre an dae nomoa long rod. Olketa hu i grouap long haos blong olketa risman, distaem olketa lukaotem kaikai long ravis hip.

Pijin Deuterocanon

⁵ Bifoa, olketa pipol bin kaikaim nambawan kaikai. Distaem, olketa hanggre an dae nomoa long rod. Olketa hu i grouap long haos blong olketa risman, distaem olketa lukaotem kaikai long ravis hip.

Lamentesin 4:5 Iomraidhean Croise

2 Samuel 1:24

!Olketa woman blong Israel, yufala krae long King Sol! Hem nao hemi bin givim olketa nambawan red kaleko long yufala, an hemi mekem yufala luknaes tumas long olketa barava spesol samting long gol.

2 Kings 18:27

Bat hemi tok olsem long trifala, “?Waswe, yutrifala tingse king blong mi hemi sendem mi kam fo talem olketa samting ya long yutrifala nomoa wetem masta blong yufala? !Nomoa ya! Olketa antap long wolston ya tu mas herem toktok ya. Bae no longtaem, olketa ya mas kaikaim ravis wea hemi kamaot long olketa seleva an dringim ravis wata wea olketa seleva i pasim finis, olsem wea yutrifala tu mas duim, bikos no eni kaikai an dring bae hemi stap long ples ya.”

Stori abaotem Job 24:8

Ren wea hemi kamdaon long olketa hil hemi gohed fo renem olketa nomoa. So olketa go an stap andanit long saet long olketa bikfala ston fo haed from ren.

Provebs 31:21

Long taem fo tukol, hemi no save wari, bikos famili blong hem i garem olketa nambawan kaleko.

Lamentesin 1:11

Olketa pipol blong Jerusalem i gohed fo krae, taem olketa olobaot fo lukaotem kaikai. Olketa salem gudfala samting blong olketa fo peim kaikai, mekem olketa save laef. “!Yawe! Evriwan barava tingdaonem mi nao. !Plis yu sore an luk kam long mi!

Gudnius abaotem Jisas Kraes wea Luk hemi raetem 15:16

Boe ya hemi laekem tumas fo kaikaim olketa kaikai blong olketa pikpik, bat no eniwan nao hemi givim enisamting long hem.

Gudnius abaotem Jisas Kraes wea Luk hemi raetem 16:19

An Jisas hemi sei moa, “Wanfala ris man hemi stap hu hemi save werem olketa kaleko wea hemi barava dia tumas. An long evri de hemi kaikaim olketa nambawan kaikai tumas tu.

Gudnius abaotem Jisas Kraes wea Luk hemi raetem 7:25

?O waswe, wanem nao yufala go fo lukim? ?Wanfala man wea hemi werem olketa spesol kaleko? Bat yufala save nao dat olketa hu i werem olketa barava spesol kaleko an garem plande enikaen samting moa, olketa ya save stap long haos blong olketa king ya.

1 Timoti 5:6

Bat eni wido woman wea hemi falom tingting blong bodi blong hem seleva nomoa, hemi olsem hemi dae finis ya nomata hemi laef yet.