Lamentesin 3:7 - Pijin Bible

⁷ Hemi olsem wea hemi taemapem mi long hevi sen, an putum mi long prisin, mekem mi no save ranawe.

Pijin Deuterocanon

⁷ Hemi olsem wea hemi taemapem mi long hevi sen, an putum mi long prisin, mekem mi no save ranawe.

Lamentesin 3:7 Iomraidhean Croise

Stori abaotem Job 19:8

God hemi blokem wei blong mi finis, an mi no save gotru. Hemi mekem wei blong mi i stap long tudak.

Stori abaotem Job 3:23

?Waswe nao God hemi givim laet long man bat hemi no letem man ya lukim wei blong hem seleva,. ?An waswe nao God hemi gadem man ya mekem hem no save falom wei wea hemi laekem?

Sams 88:8

Yu bin mekem olketa fren blong mi fo lusim mi nao. Ya, yu bin mekem olketa fo barava les long mi nao. Yu bin kipim mi insaet long olketa trabol ya an mi no save ranawe nao.

Sams 88:9

Mi safa tumas, an mi krae go-go tufala ae blong mi i no lukluk gud nao. Lod Yawe, evri de nomoa mi kol go long yu, an mi liftimap han blong mi fo prea long yu.

Jeremaea 38:6

So olketa tekem profet ya, an taengem hem long rop, an olketa putum hemi godaon insaet long bikfala ren tangk wea hemi stap insaet long graon. Disfala ren tangk hemi blong Malkaeja, san blong king, an hemi stap long ples ya long haos blong king, wea olketa sekiuriti i stap long hem. Ren tangk ya hemi no garem wata long hem, bat dip mad nomoa. An profet ya hemi barava singdaon insaet long mad ya nao.

Jeremaea 40:4

Tude, mi tekemaot sen ya long han blong yu fo letem yu go fri. Sapos yu laekem kam wetem mi, yumitufala save go long Babilonia. Bae mi save lukaftarem yu gudfala. Bat sapos yu les fo go, hemi oraet nomoa. Yu lukim. Disfala lan hemi stap frant long yu, an yu fri nao fo go long eniples yu laek fo go long hem.”

Lamentesin 1:14

“Masta blong mi, hemi tekem olketa sin blong mi, an putum evriwan tugeta. Olketa i olsem hevi samting wea hemi putum long solda blong mi, mekem mi barava wik tumas. Hemi putum mi long han blong olketa enemi wea mi no strong fo faet agensim olketa.

Lamentesin 3:9

Hemi olsem wea hemi blokem rod blong mi long bikfala wolston, an mekem rod ya hemi had fogud.

Lamentesin 5:5

Olketa enemi gohed fo mekful long mifala, mekem mifala i taet tumas, an no save res.

Daniel 9:12

Yu panisim mifala finis wetem olketa lida blong mifala, olsem wea yu bin talem kam bifoa. An yu nao yu letem disfala nogud samting ya fo spoelem tumas taon ya long Jerusalem, winim wea hemi spoelem eni narafala taon long wol.

Hosia 2:6

“Bae mi tekem olketa ropnila, an mi wakem wanfala fens raonem disfala woman. Ya, bae mi wakem wanfala bikfala wolston raonem hem fo stopem hem, mekem hemi no save ranawe gobaek moa long olketa ravis wei blong hem.