Josua 9:21 - Pijin Bible

²¹ Yumi mas letem olketa laef, bat bae waka blong olketa nao fo katem faeawud an fo karim wata fo yumi.” Hem nao toktok wea olketa lida i bin talemaot.

Pijin Deuterocanon

²¹ Yumi mas letem olketa laef, bat bae waka blong olketa nao fo katem faeawud an fo karim wata fo yumi.” Hem nao toktok wea olketa lida i bin talemaot.

Josua 9:21 Iomraidhean Croise

Jeremaea 46:22

Taem olketa enemi i kam redi fo faet, bae olketa blong Ijip i ranawe, an olketa kuaet nomoa olsem snek taem hemi ranawe. Olketa enemi i kam wetem aks fo katem olketa dae, olsem man wea hemi go fo katemdaon olketa tri.

Diutronomi 29:10

“Distaem yufala evriwan stanap long frant long Yawe. Yufala nao i olketa lida, an olketa sif, an olketa bikman, an olketa olo, wetem evri man blong Israel.

Diutronomi 29:11

Yufala nao i olketa woman, an olketa pikinini, an olketa strensa hu i katem faeawud blong yufala, an karim kam wata blong yufala.

Josua 10:1

Paramaon Sif Adonisedek blong Jerusalem hemi barava fraet fogud taem hemi herem nius wea Josua hemi tekova finis long Ai, an hemi spoelem finis taon ya an hemi kilim dae paramaon sif blong olketa, olsem wea hemi bin duim long olketa pipol blong Jeriko wetem paramaon sif blong olketa. Hemi herem tu wea olketa blong Gibeon i mekfren finis wetem Josua an olketa blong Israel, an i joen wetem olketa nao.

Josua 9:15

Josua hemi mekem agrimen wetem olketa wea bae olketa kamap fren an bae olketa save stap laef. An olketa lida long laen blong Israel i sapotem hem an mekem strongfala promis long agrimen ya.

Josua 9:20

Yumi mas letem olketa laef nao, bikos yumi bin mekem finis datfala strongfala promis. An God bae hemi panisim yumi sapos yumi kilim olketa dae.

Josua 9:23

God hemi jajem yufala finis bikos yufala laea tumas olsem. Bae yufala evriwan i kamap slev blong mifala olowe nao, an bae waka blong yufala nao fo katem faeawud an fo karim wata fo Haostent blong God blong mifala.”

Josua 9:27

Bat hemi mekem olketa blong Gibeon fo kamap slev blong olketa, wea waka blong olketa nao fo katem faeawud an karim wata fo olketa an wata fo olta blong Yawe tu. Ka-kam kasem tude, olketa gohed nomoa fo duim disfala waka long ples wea Yawe hemi siusim fo olketa pipol blong hem fo wosipim hem.