Josua 9:17 - Pijin Bible

¹⁷ So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

Pijin Deuterocanon

¹⁷ So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

Josua 9:17 Iomraidhean Croise

2 Samuel 4:2

King Isboset hemi garem tufala komanda wea tufala gohed fo lidim olketa soldia blong hem long faet. Nem blong tufala, Baana an Rekab. An dadi blong tufala hemi Rimon, wanfala man long Beerot long traeb blong Benjamin. Ples long Beerot, olketa sei hemi wanfala ples blong Benjamin.

1 Kronikols 12:4

Ismaea, man blong Gibeon, hemi wanfala lida blong olketa teti nambawan soldia blong Deved. Jeremaea, an Jahasiel, an Johanan, an Josabad blong Gedera.

1 Kronikols 2:50

Olketa long laen blong Kelab i olsem: Hua hemi fasbon blong Kelab wetem mektu woman blong hem Efrat. Hua hemi dadi blong Sobal hu hemi fas man long taon long Kiriat-Jearim.

1 Kronikols 2:52

Sobal hu hemi statem taon long Kiriat-Jearim, hemi olfala grani long laen blong Haroe an long haf blong laen blong Menuhot.

1 Kronikols 2:53

An hemi olfala grani blong olketa laen long Kiriat-Jearim tu, wea hem nao laen blong Jeta, an laen blong Puti, an laen blong Sumat, an laen blong Misra. An olketa pipol long tufala taon long Sora an Estaol, olketa ya i bon kam long olketa laen ya.

1 Kronikols 21:29

Long datfala taem, Tambu Haostent blong Yawe wea Mosis hemi bin wakem long drae eria bifoa, an olta blong olketa sakrifaes, tufala stap yet long tambuples long Gibeon.

Esra 2:25

Blong Kiriat-Jearim, an Kefira, an Beerot: 743.

Nehemaea 7:29

Blong Kiriat-Jearim, an Kefira, an Beerot: 743.

Jeremaea 26:20

(Bifoa, narafala man bin stap hu hemi talemaot olketa profesi long nem blong Yawe. Nem blong hem Yuraea, san blong Semaea, hemi man blong taon long Kiriat-Iarim. Hem tu hemi talemaot olketa profesi agensim disfala taon an disfala kantri olsem Profet Jeremaea hemi talem.

Josua 10:2

Paramaon sif ya wetem evri pipol blong hem i barava seksek fogud, bikos olketa save dat Gibeon hemi wanfala bikfala taon olsem eni narafala taon wea hemi garem paramaon sif, an olketa pipol blong hem i plande winim olketa pipol blong Ai, an olketa barava strong fogud fo faet tu.

Josua 15:60

An tufala taon moa wea nem blong wanfala nao Kiriat-Baal wea narafala nem blong hem nao Kiriat-Jearim, an narawan nao Raba. Hem nao tufala taon wea i stap long datfala eria wetem olketa vilij wea i stap raon long tufala.

Josua 15:9

An spialaen ya hemi stat moa long ples ya an hemi go-go kasem springwata ya long Neftoa, an hemi go moa go-go kasem olketa taon kolsap long maonten long Efron. Hemi stat moa long ples ya an hemi go stret long taon long Baala wea narafala nem blong hem nao Kiriat-Jearim.

Josua 18:14

Spialaen long west saet hemi stat long ples ya, an hemi goraon long saot long bikfala hil ya go-go kasem taon long Kiriat-Baal wea narafala nem blong hem nao Kiriat-Jearim, long eria blong olketa long traeb blong Jiuda. Hem nao spialaen blong eria ya long west saet.

Josua 18:15

An spialaen blong hem long saot hemi stat saet long taon long Kiriat-Jearim long west go-go kasem springwata long Neftoa.

Josua 9:16

Trifala de bihaen agrimen ya, olketa blong Israel i jes save dat olketa pipol ya i stap kolsap nomoa long olketa.

Josua 9:18

Bat olketa no save kilim dae olketa pipol ya bikos olketa lida blong Israel i promis finis long nem blong Yawe, God blong Israel, fo duim olsem long olketa. Evri pipol blong Israel nao i komplen long Josua wetem olketa narafala lida blong olketa from datfala strongfala promis.

Josua 9:3

Bat olketa pipol hu i bon kam long laen blong Hivi, i stap long taon long Gibeon. Taem olketa herem nius abaotem olketa samting wea Josua bin duim long olketa pipol long Jeriko an long Ai,

Josua 9:9

Olketa tok olsem long hem, “Masta, mifala kam from wanfala kantri wea hemi farawe tumas. Mifala herem nius abaotem evrisamting wea Yawe hu hemi God blong yufala bin duim long olketa pipol blong Ijip.

Jajis 18:12

Long naet, olketa stap kolsap long Kiriat-Iarim long west saet long lan blong Jiuda. So olketa kolem ples ya “Mahane-Dan” ka-kam kasem distaem.

1 Samuel 6:21

Den olketa sendem samfala pipol fo go talem olketa long Kiriat-Jearim olsem, “Olketa long Filistia i tekem kambaek finis Tambu Boks blong Yawe an olketa putum long ples blong mifala. Hemi gud sapos yufala tekem hem go long ples blong yufala.”

1 Samuel 7:1

So olketa man blong Kiriat-Jearim i go fo tekem kam Tambu Boks ya. Olketa putum long haos blong Abinadab wea hemi stap antap long hil. An olketa mektambu long Eleasa hu hem wanfala san blong Abinadab, mekem hem lukaftarem Tambu Boks ya.