Josua 9:15 - Pijin Bible

¹⁵ Josua hemi mekem agrimen wetem olketa wea bae olketa kamap fren an bae olketa save stap laef. An olketa lida long laen blong Israel i sapotem hem an mekem strongfala promis long agrimen ya.

Pijin Deuterocanon

¹⁵ Josua hemi mekem agrimen wetem olketa wea bae olketa kamap fren an bae olketa save stap laef. An olketa lida long laen blong Israel i sapotem hem an mekem strongfala promis long agrimen ya.

Josua 9:15 Iomraidhean Croise

2 Samuel 21:2

Olketa man blong Gibeon i no pipol blong Israel, olketa ya i wanfala smolfala grup nomoa long laen blong Amoa. Pipol blong Israel i bin promis fo lukaftarem olketa, mekem trabol hemi no save kasem olketa. Bat King Sol hemi trae fo kilim olketa dae, bikos hemi laekem tumas olketa blong Israel an Jiuda fo tekova long lan blong olketa. So King Deved hemi kolem kam olketa man blong Gibeon,

Eksodas 23:32

Yufala mas no mekem eni agrimen wetem olketa, o wetem olketa god blong olketa ya.

Josua 10:1

Paramaon Sif Adonisedek blong Jerusalem hemi barava fraet fogud taem hemi herem nius wea Josua hemi tekova finis long Ai, an hemi spoelem finis taon ya an hemi kilim dae paramaon sif blong olketa, olsem wea hemi bin duim long olketa pipol blong Jeriko wetem paramaon sif blong olketa. Hemi herem tu wea olketa blong Gibeon i mekfren finis wetem Josua an olketa blong Israel, an i joen wetem olketa nao.

Josua 10:4

Hemi tok olsem go long olketa, “Plis yufala kam an helpem mi mekem yumi faetem olketa man blong Gibeon, bikos distaem, olketa joen finis wetem Josua an olketa blong Israel.”

Josua 11:19

Olketa laen blong Hivi wea i stap long Gibeon nomoa i mekem piis wetem Josua an olketa pipol blong Israel, bat evri narafala pipol, Josua wetem ami blong hem i kilim evriwan dae.

Josua 9:16

Trifala de bihaen agrimen ya, olketa blong Israel i jes save dat olketa pipol ya i stap kolsap nomoa long olketa.