Josua 9:13 - Pijin Bible

¹³ An olketa botol blong mifala ya, i bin fulap long niufala waen. Bat yufala lukim. Distaem olketa brek finis. Olketa kaleko an olketa sandol blong mifala tu i brek finis, bikos mifala bin wakabaot kam farawe tumas.”

Pijin Deuterocanon

¹³ An olketa botol blong mifala ya, i bin fulap long niufala waen. Bat yufala lukim. Distaem olketa brek finis. Olketa kaleko an olketa sandol blong mifala tu i brek finis, bikos mifala bin wakabaot kam farawe tumas.”

Josua 9:13 Iomraidhean Croise

Matiu 9:17

“An narasamting moa, yumi no save fulumapem niufala waen insaet long olketa olfala skin blong nanigot fo kipim waen long hem. Bikos taem niufala waen ya hemi go saoa, hemi save mekem olketa olfala skin ya fo suelap an bae olketa brek, an waen bae hemi kapsaet an olketa skin ya bae olketa nogud nao. So yumi mas fulumapem niufala waen insaet long olketa niufala skin, mekem tufala evriwan save stap gudfala.”

Gudnius abaotem Jisas Kraes wea Mak hemi raetem 2:22

“An narasamting moa, yumi no save fulumapem niufala waen insaet long olketa olfala skin blong nanigot fo kipim waen long hem. Bikos taem niufala waen ya hemi go saoa, hemi save mekem olketa olfala skin ya fo suelap an bae olketa brek, an waen wetem skin ya bae tufala evriwan nogud nao. So yumi mas fulumapem niufala waen insaet long olketa niufala skin.”

Gudnius abaotem Jisas Kraes wea Luk hemi raetem 5:37

“An narasamting moa, yumi no save fulumapem niufala waen insaet long olketa olfala skin blong nanigot fo kipim waen long hem. Bikos taem niufala waen ya hemi go saoa, hemi save mekem olketa olfala skin ya fo suelap an bae olketa brek, an waen bae hemi kapsaet an olketa skin ya bae olketa nogud nao.

Diutronomi 29:5

Hemi sei long yufala, ‘Long fotifala yia wea mi gohed fo lidim yufala long drae eria, olketa kaleko blong yufala an olketa slipa blong yufala i no brek o kamap nogud.

Josua 9:12

Hem ya olketa bred wea mifala bin tekem kam fo kaikaim long disfala ka-kam blong mifala. Taem mifala lusim ples, olketa bred ya i hot nomoa. Bat distaem yufala lukim, olketa barava drae an nogud finis nao.

Josua 9:14

Josua wetem olketa man blong Israel i joen wetem olketa nao fo kaikaim samfala long olketa kaikai wea olketa bin tekem kam. Bat olketa nating askem nomoa Yawe fastaem, fo save dat disfala samting hemi stret o nomoa.

Josua 9:4

olketa plan fo kam an konem hem. So samfala long olketa tekem olketa olfala baeg wea hemi brek finis, an tekem olketa bred wea hemi drae an nogud finis, an fulumapem long olketa baeg ya fo olsem kaikai blong olketa fo kaikaim long rod. Olketa tekem tu samfala botol wea olketa wakem long skin blong nanigot wea hemi brek finis, bat olketa taemapem moa, an fulumapem long waen. Olketa putum evrisamting ya long olketa dongki blong olketa. An olketa werem olketa kaleko wea hemi brek finis, an olketa werem tu olketa sandol wea hemi brek finis.