Josua 9:1 - Pijin Bible

¹ Josua wetem olketa blong Israel i bin winim faet long Jeriko an Ai, an nius abaotem diswan hemi kasem olketa paramaon sif long evri ples long west saet long Jodan Riva. Olketa paramaon sif ya i from laen blong Het, an laen blong Amoa, an laen blong Kenan, an laen blong Peres, an laen blong Hivi, an laen blong Jebus. Olketa ya i stap kam long olketa ples long olketa hil, an long olketa smolfala hil long west, an long olketa flat ples kolsap long Mediterenian Si, go-go kasem kantri long Lebanon long not. Olketa evriwan i herem nius abaotem hao Josua wetem olketa pipol blong Israel i winim olketa enemi blong olketa long faet.

Pijin Deuterocanon

¹ Josua wetem olketa blong Israel i bin winim faet long Jeriko an Ai, an nius abaotem diswan hemi kasem olketa paramaon sif long evri ples long west saet long Jodan Riva. Olketa paramaon sif ya i from laen blong Het, an laen blong Amoa, an laen blong Kenan, an laen blong Peres, an laen blong Hivi, an laen blong Jebus. Olketa ya i stap kam long olketa ples long olketa hil, an long olketa smolfala hil long west, an long olketa flat ples kolsap long Mediterenian Si, go-go kasem kantri long Lebanon long not. Olketa evriwan i herem nius abaotem hao Josua wetem olketa pipol blong Israel i winim olketa enemi blong olketa long faet.

Josua 9:1 Iomraidhean Croise

2 Samuel 24:7

Den olketa go long saot long taon long Taea wea hemi garem bikfala wolston. Bihaen, olketa go long olketa taon long lan blong Hivi, an long olketa taon long lan blong olketa narafala pipol blong Kenan. An las ples nao, olketa go kasem taon long Beereseba long distrik blong Jiuda, long saot.

Eksodas 23:23

Disfala enjel blong mi, bae hemi go fastaem long yufala, an bae hemi tekem yufala go long olketa lan blong olketa laen blong Amoa, an olketa laen blong Het, an olketa laen blong Peris, an olketa laen blong Kenan, an olketa laen blong Hivi, an olketa laen blong Jebus. An bae mi spoelem olketa evriwan.

Eksodas 23:31

An bae mi mekem spialaen long lan blong yufala fo stat long Red Si long saot go-go kasem Yufretis Riva long not, an stat long Mediterenian Si long west go-go kasem bikfala drae eria long ist. Bae mi mekem yufala strong an garem paoa fo tekova long olketa pipol blong lan ya, an bae yufala ronemaot olketa nomoa, taem yufala gohed fo muv go insaet long lan ya.

Eksodas 3:17

An mi promis finis fo tekem yufala aot from disfala hadlaef long ples ya. Bae mi tekem yufala go long wanfala lan wea graon blong hem hemi gudfala tumas, an oltaem hemi garem kaikai long hem. Hem nao lan blong olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus.” ’

Eksodas 34:11

Yufala mas obeim olketa lo wea mi givim long yu tude. Taem yufala go long lan blong olketa laen blong Amoa, an olketa laen blong Kenan, an olketa laen blong Het, an olketa laen blong Peris, an olketa laen blong Hivi, an olketa laen blong Jebus, bae mi ronemaot olketa pipol ya long ae blong yufala.

Nambas 13:29

An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”

Nambas 34:6

“An long west, spialaen ya hemi stat long datfala smolfala riva long saot, an hemi falom saet blong Mediterenian Si go long not.

Diutronomi 1:7

Yufala mas goaot nao. Yufala mas go stap long olketa ples olsem: long lan blong laen blong Amoa long olketa maonten, an long vali blong Jodan Riva, an long lan blong olketa laen blong Kenan, an long drae eria long saot long Kenan. Lan ya hemi go kasem Mediterenian Si long west, an long not hemi kasem maonten long Lebanon, an long west hemi kasem datfala bikfala Yufretis Riva.

Diutronomi 3:25

Plis yu letem mi fo katkros long Jodan Riva, mekem mi lukim evri gudfala lan long narasaet, an olketa gudfala lan long olketa maonten, wetem olketa maonten long Lebanon.’

Diutronomi 7:1

Den Mosis hemi tok moa olsem, “Yawe, God blong yufala, bae hemi tekem yufala go fo tekova long lan long laen blong Het, an long laen blong Gigas, an long laen blong Amoa, an long laen blong Kenan, an long laen blong Peris, an long laen blong Hivi, an long laen blong Jebus. Bae hemi ronemaot olketa narafala pipol from lan ya. An nomata sevenfala laen ya i strong moa winim yufala,

Josua 1:15

go-go kasem taem wea yumi winim olketa lan long saet blong Jodan Riva long west. Hem nao lan wea Yawe hu hemi God blong yumi hemi bin promisim fo givim long mifala. An taem wea mifala tu i tekova long lan wea Yawe bin givim long mifala, oraet bae yufala kambaek moa long disfala ples. Nao bae yufala save stap long disfala saet blong Jodan Riva long ist, long lan blong yufala wea Mosis, disfala wakaman blong Yawe hemi givim finis long yufala.”

Josua 1:4

Lan wea bae mi givim long yufala, hemi stat long drae eria ya long saot, go-go kasem olketa hil ya long Lebanon long not. An stat long bikfala Yufretis Riva long ist, an gotru long distrik blong olketa laen blong Het, go-go kasem Mediterenian Si long west.

Josua 10:23

So olketa duim olsem wea Josua hemi talem long olketa, an olketa tekemaot kam nao faefala paramaon sif ya long hem. Olketa paramaon sif ya i from Jerusalem, Hebron, Jamut, Lakis, an Eglon. Bihaen, Josua hemi kolem evri man blong hem fo kam long hem, an hemi tok olsem long olketa komanda blong olketa soldia blong hem, “Yufala kam an step long nek blong olketa paramaon sif ya.” An olketa duim nao olsem wea hemi talem.

Josua 11:17

Olketa tekova long evri ples from maonten long Halak long saot kolsap long kantri long Idom, go-go kasem taon long Balgad long vali long Lebanon long not kolsap long maonten long Hemon. Fo longtaem nao Josua bin gohed fo faet wetem olketa paramaon sif blong olketa ples ya, go-go hemi winim olketa evriwan long faet an kilim dae evriwan long olketa.

Josua 13:5

Yufala mas tekova tu long olketa lan blong olketa long taon long Gebal, an yufala mas tekova long evri eria long Lebanon wea hemi stat long taon long Balgad kolsap long maonten long Hemon go-go kasem Lebo-Hamat.

Josua 15:12

An saet si long Mediterenian Si nao hemi spialaen blong eria ya long west. Hem nao spialaen long lan blong traeb blong Jiuda.

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.

Josua 23:4

An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

Josua 24:11

‘Taem yufala krosim Jodan Riva fo go long Jeriko, olketa pipol blong Jeriko i kamaot fo faetem yufala, bat mi nao mi mekem yufala fo winim olketa. Bihaen, olketa long laen blong Amoa, an olketa long laen blong Peres, an olketa long laen blong Kenan, an olketa long laen blong Het, an olketa long laen blong Gigas, an olketa long laen blong Hivi, an olketa long laen blong Jebus i faet agensim yufala. Bat mi nao mi mekem yufala fo winim olketa evriwan long faet.

Josua 3:17

An taem olketa go akros, olketa prist i gohed fo stanap long midol long riva wea hemi drae finis, go-go kasem taem wea evriwan i go akros finis long narasaet.

Josua 5:1

Evri sif long Amoa wea olketa stap long west saet long Jodan Riva an evri sif long Kenan wea i stap kolsap long Mediterenian Si, olketa herem nius wea Yawe hemi mekem Jodan Riva fo kamap drae, mekem olketa blong Israel i save kam akros long riva ya. So olketa fraet tumas long olketa blong Israel an tingting blong olketa hemi barava wikdaon.

Josua 6:27

Nius abaotem olketa bikfala samting ya hemi mekem Josua fo garem biknem evriwea long Kenan. An Yawe hemi stap wetem hem olowe.

Josua 9:7

Bat olketa blong Israel i tok olsem long olketa man ya, “Hemi no stret fo mifala mekem agrimen wetem yufala. Maet yufala stap kolsap nomoa ya.”