Josua 8:6 - Pijin Bible

⁶ Bae olketa ronem mifala go farawe from taon ya, an tingse mifala ranawe from olketa olsem wea yumi bin duim lastaem.

Pijin Deuterocanon

⁶ Bae olketa ronem mifala go farawe from taon ya, an tingse mifala ranawe from olketa olsem wea yumi bin duim lastaem.

Josua 8:6 Iomraidhean Croise

Eksodas 14:3

Oraet, bae king hemi tingse olketa lusim rod an gohed fo go olobaot nomoa long drae eria, an olketa no save goaot.

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Eklesiastes 8:11

Taem olketa pipol i no tekem kuiktaem panis blong olketa fo ravis samting wea olketa duim, narafala pipol i laekem nomoa fo duim ravis samting.

Eklesiastes 9:12

Yumi nating save long taem wea trabol bae kasem yumi. Olsem wea fis hemi pas insaet long net, o bed hemi pas insaet long trap, yumi tu, trabol bae hemi kasem yumi long taem wea yumi no tingim, so hemi olsem wea yumi insaet long trap.

Josua 8:5

Mi wetem olketa narafala soldia bae mifala kamap long frant long geit blong bikfala wolston long taon ya. Taem olketa kamaot fo faetem mifala, olsem wea olketa bin duim lastaem, bae mifala taneraon an ranawe.

Josua 8:7

Long taem ya nao bae yufala kamaot wantaem from ples wea yufala haed long hem, an go insaet long taon ya fo tekova long hem. Yawe hu hemi God blong yumi bae hemi givim paoa long yufala fo winim taon ya.

Jajis 20:32

An olketa long ami blong Benjamin i singaotem olsem, “!Distaem yumi winim olketa moa olsem yumi duim fastaem!” Bat olketa long Israel i plan finis fo laea fo ranawe, mekem ami blong Benjamin hemi ran goaot farawe falom rod from taon ya.