Josua 8:33 - Pijin Bible

³³ Long datfala taem tu evri traeb blong Israel, wetem evri lida blong olketa, an evri komanda blong olketa, an evri sif blong olketa, an evri strensa wea i stap wetem olketa, evriwan i divaed long tufala grup. Disfala Tambu Boks long Agrimen blong Yawe wea olketa prist blong traeb blong Livae i karim, hemi stap long midol long tufala grup ya. An tufala grup i fesim Tambu Boks an stanap olsem wea maonten ya long Gerisim hemi bihaen long wanfala grup an maonten ya long Ebal hemi bihaen long narafala grup. Mosis bin talem finis bifoa disfala toktok wea olketa mas stanap redi olsem, mekem olketa prist i blesim olketa.

Pijin Deuterocanon

³³ Long datfala taem tu evri traeb blong Israel, wetem evri lida blong olketa, an evri komanda blong olketa, an evri sif blong olketa, an evri strensa wea i stap wetem olketa, evriwan i divaed long tufala grup. Disfala Tambu Boks long Agrimen blong Yawe wea olketa prist blong traeb blong Livae i karim, hemi stap long midol long tufala grup ya. An tufala grup i fesim Tambu Boks an stanap olsem wea maonten ya long Gerisim hemi bihaen long wanfala grup an maonten ya long Ebal hemi bihaen long narafala grup. Mosis bin talem finis bifoa disfala toktok wea olketa mas stanap redi olsem, mekem olketa prist i blesim olketa.

Josua 8:33 Iomraidhean Croise

Eksodas 12:49

Olketa rul ya hemi fo yufala evriwan, yufala long pipol blong Israel, an olketa strensa hu i kam an stap nomoa wetem yufala.”

Levitikas 24:22

An nomata man ya hemi long laen blong yufala, o hemi strensa wea hemi stap wetem yufala, disfala lo hemi fo yufala evriwan, bikos mi nao Yawe, God blong yufala.”

Nambas 15:15

Long ae blong mi Yawe, evriwan i semsem nomoa, nomata olketa blong Israel o olketa strensa, disfala sem rul blong sakrifaes hemi stap olowe fo olketa evriwan.

Nambas 15:16

Sem rul ya nomoa, bae yufala an eni strensa i mas falom.”

Nambas 15:29

Disfala sem rul fo tekemaot sin blong man wea hemi no tingim fo duim, hemi fitim yufala pipol blong Israel an hemi fitim eni strensa wetem yufala.

Gudnius abaotem Jisas Kraes wea Jon hemi raetem 4:20

Olketa olo blong mifala long Samaria long bifoa, olketa save prea go long God antap long disfala maonten longwe. Bat yufala olketa Jiu nao yufala sei Jerusalem nomoa yumi mas go long hem fo prea go long God.”

Diutronomi 11:29

Taem Yawe hemi tekem yufala finis long lan wea bae yufala save tekova long hem, yufala mas talemaot tufala saet blong toktok. Taem yufala stanap long maonten long Gerisim, yufala mas talemaot saet long toktok wea hemi save blesim yufala. An taem yufala stanap long maonten long Ebal, yufala mas talemaot saet long toktok wea hemi save mekem trabol kasem yufala.”

Diutronomi 31:12

Long datfala taem, olketa man an olketa woman mas kam tugeta, an olketa pikinini an olketa strensa hu i stap wetem yufala tu mas kam tugeta, mekem olketa evriwan i save herem disfala lo. Long wei olsem, olketa save lanem wei fo tinghae long Yawe, God blong yufala. An olketa save barava falom evri toktok blong disfala lo.

Diutronomi 31:25

An taem hemi finisim, hemi kolem kam olketa prist long traeb blong Livae hu i karim Tambu Boks blong Spesol Agrimen blong Yawe. Den hemi tok olsem long olketa,

Diutronomi 31:9

Nao Mosis hemi raetemdaon disfala buk blong Lo blong Yawe, an hemi givim go long olketa prist an long olketa lida blong pipol blong Israel. Olketa prist ya i long traeb blong Livae, an olketa save karim Tambu Boks blong Spesol Agrimen blong Yawe.

Josua 23:2

So hemi kolem olketa bikman blong Israel, an evri komanda, an evri lida, an evri sif, fo kam tugeta. An hemi tok olsem long olketa, “Distaem mi barava olo tumas nao.

Josua 24:1

Josua hemi talem evri traeb blong Israel fo hipap kam long taon long Sekem. Taem olketa kasem ples ya, hemi kolem olketa bikman blong olketa, an olketa lida, an olketa sif, an olketa komanda fo kam an stanap frant long Tambu Haostent blong God.

Josua 3:14

Long datfala taem, Jodan Riva hemi gohed fo ran bikfala, an hemi taem fo tekemaot kaikai long gaden. Taem olketa pipol ya i goaot from ples wea olketa stap long hem fo katkros long riva ya, olketa prist i karim Tambu Boks ya an go fastaem, an olketa pipol i go bihaen long olketa. Long semtaem wea olketa prist ya i step long wata insaet long riva ya,

Josua 3:3

an tok olsem long olketa, “Taem yufala lukim olketa prist long traeb blong Livae i wakabaot go an karim Tambu Boks long Spesol Agrimen blong Yawe hu hemi God blong yumi, yufala mas falom olketa.

Josua 3:6

Long neks de, Josua hemi tok olsem long olketa prist ya, “Yufala karim Tambu Boks ya, an go fastaem long evriwan. Nao evriwan bae i go bihaen long yufala.” An olketa duim nao wanem hemi talem.

Josua 4:10

Olketa prist ya i gohed fo stanap long midol long riva ya, go-go kasem taem wea olketa man ya i finisim evrisamting wea Yawe hemi talem long Josua fo talem long olketa fo duim. Hem nao olketa samting wea Mosis bin talem long Josua. Olketa pipol i hariap fo go akros long riva,

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”