Josua 8:22 - Pijin Bible

²² Olketa soldia blong Israel wea i bonem taon ya i kam nao fo joenem faet ya, fo kilim dae olketa man blong Ai. Olketa man blong Ai i no save ranawe nao, bikos Josua wetem ami blong hem i raonem olketa, an kilim dae evriwan long olketa.

Pijin Deuterocanon

²² Olketa soldia blong Israel wea i bonem taon ya i kam nao fo joenem faet ya, fo kilim dae olketa man blong Ai. Olketa man blong Ai i no save ranawe nao, bikos Josua wetem ami blong hem i raonem olketa, an kilim dae evriwan long olketa.

Josua 8:22 Iomraidhean Croise

Stori abaotem Job 20:5

ravis pipol i save hapi fo lelebet taem nomoa.

Diutronomi 7:2

bat bae hemi putum olketa pipol ya long han blong yufala, an yufala winim olketa. Oraet, long datfala taem, yufala mas kilim dae olketa evriwan. Yufala mas no mekem eni agrimen fo stap gud wetem olketa. An yufala mas no kaen long olketa.

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.

Josua 10:28

Long datfala sem de tu, Josua wetem ami blong hem i faetem olketa long taon long Makeda an tekova long hem nao. Olketa kilim dae evriwan long taon ya wetem paramaon sif blong olketa. Datfala semsamting wea Josua hemi bin duim long paramaon sif blong Jeriko, hemi duim tu long paramaon sif blong Makeda.

Josua 6:21

Olketa kilim dae evriwan insaet long taon ya long olketa naef fo faet. Olketa kilim dae evri man an woman, evri yanga an olo, wetem evri buluka an sipsip, an dongki.

Josua 8:23

Paramaon sif blong olketa nomoa hemi laef. Olketa soldia i kasholem an tekem hem kam long Josua.

Josua 8:8

Taem yufala tekova finis long taon ya, yufala mas barava bonem long faea, olsem wea Yawe bin talem. Hem nao olketa strongfala toktok wea yufala mas falom.”