Josua 8:20 - Pijin Bible

^20-21 Taem Josua an olketa soldia blong hem i lukim dat olketa long narafala ami blong Josua i kam insaet finis from bihaen an gohed fo bonem datfala taon, olketa taneraon an stat fo faet baek an kilim dae olketa man blong Ai. An taem olketa man blong Ai i lukgo bihaen long taon blong olketa, olketa lukim nao bikfala smok hemi goap long skae. Olketa blong Ai i nating garem nao eni ples fo ranawe long hem, bikos olketa soldia blong Israel wea i bin ran go fastaem long olketa long datfala drae eria, i taneraon kambaek finis fo faetem olketa an kilim olketa dae.

Pijin Deuterocanon

^20-21 Taem Josua an olketa soldia blong hem i lukim dat olketa long narafala ami blong Josua i kam insaet finis from bihaen an gohed fo bonem datfala taon, olketa taneraon an stat fo faet baek an kilim dae olketa man blong Ai. An taem olketa man blong Ai i lukgo bihaen long taon blong olketa, olketa lukim nao bikfala smok hemi goap long skae. Olketa blong Ai i nating garem nao eni ples fo ranawe long hem, bikos olketa soldia blong Israel wea i bin ran go fastaem long olketa long datfala drae eria, i taneraon kambaek finis fo faetem olketa an kilim olketa dae.

Josua 8:20 Iomraidhean Croise

Jenesis 19:28

nao hemi luk godaon go long Sodom an Gomora, an olketa ples raonem tufala taon ya. Nao hemi lukim smok hemi go-goap long ples ya olsem smok blong wanfala bikfala faea wea hemi go-gohed fo laet long daon.

Stori abaotem Job 11:20

Bat ae blong olketa nogud pipol bae i sat fogud nao. Bae olketa lukraon, bat olketa nating save hao fo lusim trabol. Wanfala samting nomoa bae olketa laekem tumas, olketa laek fo dae nomoa.

Sams 76:5

Yu bin kilim dae finis olketa strongman blong olketa enemi ya, an yu bin tekem finis evrisamting blong olketa. Olketa paoa an save blong olketa hemi nogud tumas nao.

Aesaea 34:10

Bae faea ya hemi no save dae an smok blong hem bae hemi gohed olowe nao evri de an evri naet. Nomata plande pipol bae i bon kam bihaen, bat no eniwan long olketa bae hemi wakabaot moa long disfala lan. Ya, lan ya bae hemi stap olsem fo evritaem olowe nao, bikos hemi barava kamap nogud tumas.

Josua 8:19

Taem hemi liftimap spia blong hem nomoa, olketa narafala soldia wea i haed bihaen long taon ya i ran go an tekova long taon ya, an bonem nao.

Revelesin 18:9

Nao evri king long wol wea olketa durong wetem Babilon, an wea olketa searem olketa gudfala samting blong hem finis, bae olketa krae fogud an singaot bikfala, taem olketa lukim smok blong faea wea bae hemi gohed fo bonem hem.

Revelesin 19:3

Nao olketa singaot bikfala an talem olsem moa, “!Haleluya! Disfala smok blong faea wea hemi bonem biktaon ya, bae hemi gohed evritaem an olowe.”

Jajis 20:40

So taem bikfala smok hemi goap antap long taon ya, olketa long ami blong Benjamin i luk go bihaen an olketa seke, bikos faea hemi bonem nao taon blong olketa.

Jajis 20:41

Oraet, olketa hu i laea fo ranawe i taneraon fo faet. So ami blong Benjamin hemi fraet fogud an olketa no save nao wanem fo duim, bikos olketa luksave dat bae evriwan i dae.