Josua 7:8 - Pijin Bible

⁸ Masta, mi no save nao wanem fo talem. Bikos, olketa enemi i winim mifala finis an ronem mifala kambaek nao.

Pijin Deuterocanon

⁸ Masta, mi no save nao wanem fo talem. Bikos, olketa enemi i winim mifala finis an ronem mifala kambaek nao.

Josua 7:8 Iomraidhean Croise

Esra 9:10

“Bat God blong mifala. Mifala mekem barava bikfala sin nao. ?Wanem nao bae mifala save talem long yu? Mifala bin gohed fo les fo obeim olketa strongfala toktok wea yu bin givim long mifala.

Sams 44:10

Yu bin mekem mifala fo ranawe nomoa from olketa enemi blong mifala, nao olketa kam an tekem finis evrisamting blong mifala.

Sams 89:43

Yu bin spoelem olketa samting blong hem fo faet, an yu bin letem olketa enemi blong hem fo winim hem long faet.

Habakuk 2:1

Oraet, bae mi gohed fo lukluk olsem sekiuriti hu hemi stanap antap long bikfala wolston long taon. Mi weitem Yawe fo herem wanem nao bae hemi talem fo ansarem mi, an lukim wanem nao bae hemi duim.

Josua 7:7

Long taem ya, Josua hemi prea olsem, “Yawe, yu nao yu Masta blong mifala. ?Waswe nao yu tekem mifala kam akros long Jodan Riva ya, an yu jes lusim mifala nomoa long han blong olketa laen blong Amoa wea i enemi blong mifala, mekem olketa kilim mifala dae nomoa olsem? Ating hemi moabeta fo mifala stap kam nomoa long narasaet ya long Jodan Riva.

Josua 7:9

Sapos evriwan long lan ya i herem nius, bae olketa kam an raonem mifala an kilim mifala evriwan dae. Kaen wei ya bae hemi mekem plande pipol fo tokspoelem hae nem blong yu, so yu mas helpem mifala.”

1 Samuel 4:3

Taem olketa blong Israel wea i no dae i kambaek long ples blong olketa, olketa lida blong olketa i tok olsem, “?Waswe nao Yawe hemi letem olketa blong Filistia fo winim yumi tude? Yumi mas go long Saelo, mekem yumi karim kam Tambu Boks blong Spesol Agrimen blong Yawe. Taem Tambu Boks hemi stap wetem yumi, hemi save tekemaot yumi from paoa blong olketa enemi blong yumi.”