Josua 6:4 - Pijin Bible

⁴ Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.

Pijin Deuterocanon

⁴ Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.

Josua 6:4 Iomraidhean Croise

Jenesis 2:3

Nao hemi blesim mekseven de ya, an hemi makemaot olsem mekseven de blong wik hemi tambu, bikos fastaem, hemi no waka long de ya, hemi res nao, bikos waka blong hem ya fo mekem evrisamting wea i stap, hemi finis.

1 Kings 18:43

An hemi tok olsem long wakaman blong hem, “Yu go luk goaot long saet long solwata.” So hemi go lukluk. Taem hemi kambaek hemi sei olsem, “Mi no lukim enisamting.” Nao Profet Elaeja hemi sendem hem gobaek sevenfala taem.

2 Kings 5:10

Den Elaesa hemi sendem go aotsaet wanfala man blong hem fo sei long Naaman, “Yu go suim sevenfala taem long Jodan Riva, an bae skin blong yu hemi save gudbaek, an sik blong yu hemi finis.”

2 Kings 5:14

So hemi godaon long Jodan Riva, an hemi suim sevenfala taem olsem wea profet hemi talem. Den skin blong hem hemi gudbaek, an hemi klin olsem skin blong yangfala pikinini.

2 Kronikols 13:12

!God hemi stap wetem mifala! Hem nomoa hemi lida blong mifala. Olketa prist blong hem bae i redi fo bloum olketa trampet fo kolem mifala kam fo faetem yufala. !Yufala man blong Israel, yufala mas no faet agensim Yawe hu hemi God blong olketa olfala grani blong yufala! !Yufala no save win!”

2 Kronikols 20:17

Long datfala taem, yufala mas no faetem olketa. Bat yufala mas redi an weit nomoa. Bae yufala save lukim dat mi Yawe mi winim olketa. Yufala mas no fraet, yufala no wikdaon. Tumoro bae yufala mas go fesim olketa, an bae mi stap wetem yufala.’”

2 Kronikols 20:19

Den samfala Livaet long laen blong Kohat an Kora i stanap an singaot bikfala fo preisim Yawe, God blong Israel.

2 Kronikols 20:21

Den hemi toktok tugeta wetem olketa man, an hemi talem olketa man fo singsing fo wakabaot go fastaem long ami. Olketa ya singsing fo barava preisim holi biknem blong Yawe. Olketa singsing olsem, “Yumi talem tengkiu long Yawe, bikos hemi tinghevi long yumi olowe.”

Stori abaotem Job 42:8

So yufala mas tekem go seven man buluka wetem seven man sipsip, an go long Job. Den, yufala mas kilim olketa animol ya fo mekem sakrifaes wea hemi barava bone. An Job, wakaman blong mi, nao bae hemi prea kam long mi fo yufala. An bae mi herem prea blong hem. Nomata yufala rong finis, bat bae mi no panisim yufala. Yufala nating tok stret abaotem mi olsem wea Job bin duim.”

Aesaea 27:13

An long taem ya, bae wanfala man hemi bloum trampet fo kolem evriwan long laen blong yumi wea olketa enemi i fosim olketa fo stap long Asiria an long Ijip, fo kam an wosipim Yawe long Tambu Maonten long Jerusalem.

Levitikas 14:16

An hemi mas putum fingga blong raet han blong hem go long oliv oel ya, hemi mas torowem lelebet sevenfala taem go long graon frant long mi.

Levitikas 4:6

an hemi mas putum fingga blong hem go long blad an hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Sekaraea 4:2

Hemi askem mi olsem, ??Wanem nao yu lukim?? An mi tok olsem long hem, ?Mi lukim wanfala spesol frem fo putum olketa lam wea olketa bin wakem long nambawan gol. Antap long frem ya hemi garem wanfala baol fo putum oel an sevenfala lam. An evri lam ya hemi garem sevenfala ples fo putum wik.

Sekaraea 4:6

Oraet, enjel ya hemi tok olsem long mi, ?Hem ya nao Mesij blong Yawe long Serababel: I no long strong blong yufala. An i no long paoa blong yufala. Bat i long spirit blong mi nomoa. ?Hem nao toktok blong Yawe hu hemi garem evri paoa.

Nambas 23:1

Balam hemi tok olsem long sif Balak, “Mi laekem yu fo wakem sevenfala olta long disfala ples, an yu mas tekem kam sevenfala man buluka an sevenfala man sipsip long mi.”

Josua 6:3

Yu wetem olketa soldia blong yu mas maas raonem taon ya wanfala taem evri de, go-go kasem siksfala de.

Josua 6:5

Taem yufala herem dat olketa bloum olketa trampet long taem tumas, long semtaem nomoa, yufala evriwan i mas singaot bikfala. Long taem ya, bikfala wolston blong taon ya bae hemi brek an hemi foldaon nao. An evri soldia blong yu mas go stret insaet long taon ya nao.”

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”

Revelesin 1:4

Mi Jon, mi raet go long yufala evriwan long sevenfala sios long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit tu, wea olketa stap long frant long tron blong God wea hemi sidaon fo rul.

Revelesin 10:3

An hemi singaot bikfala olsem taem laeon hemi singaot. Taem hemi singaot finis, sevenfala tanda olketa talemaot toktok blong olketa.

Revelesin 15:1

Den mi lukim moa wanfala bikfala saen long skae, wea mi barava sapraes tumas long hem. Mi lukim sevenfala enjel wea olketa tekem kam sevenfala bikfala panis. Olketa panis ya olketa laswan, bikos taem olketa finis, kros blong God tu bae hemi finis.

Revelesin 15:7

Long taem ya nomoa, wanfala long fofala animol ya, hemi givim sevenfala gol baol long sevenfala enjel ya. Olketa baol ya i fulap long kros blong God hu hemi laef olowe.

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”

Revelesin 5:1

Mi lukim moa wanfala skrol wea man hu hemi sidaon long tron hemi holem long raet han blong hem. Disfala skrol ya olketa bin raetem olketa toktok long tufala saet blong hem. Skrol ya, olketa satem finis wetem sevenfala tambu mak.

Revelesin 5:6

Nao mi lukim moa wanfala Smolfala Sipsip wea hemi stanap long frant long tron ya wea fofala animol ya an olketa bikman i stap raonem hem. An Smolfala Sipsip ya hemi luk olsem olketa bin kilim hem dae. Hemi garem sevenfala hon long hem an sevenfala ae tu. Olketa ya nao seven gudfala spirit blong God, wea hemi sendem olketa fo goaot evriwea long wol.

Revelesin 8:2

An bihaen, mi lukim dat olketa givim go sevenfala trampet long olketa sevenfala enjel wea olketa gohed fo stanap long frant blong God.

Revelesin 8:6

Nao sevenfala enjel wea olketa holem sevenfala trampet ya, olketa mekredi fo bloum.