Josua 6:22 - Pijin Bible

²² Josua hemi tok olsem long tufala man hu i bin kam fastaem long ples ya fo luksave long hem, “Yutufala go long haos blong juri woman ya Rehab, an tekem hem kamaot wetem olketa long famili blong hem, olsem wea yutufala bin promisim hem.”

Pijin Deuterocanon

²² Josua hemi tok olsem long tufala man hu i bin kam fastaem long ples ya fo luksave long hem, “Yutufala go long haos blong juri woman ya Rehab, an tekem hem kamaot wetem olketa long famili blong hem, olsem wea yutufala bin promisim hem.”

Josua 6:22 Iomraidhean Croise

2 Samuel 21:2

Olketa man blong Gibeon i no pipol blong Israel, olketa ya i wanfala smolfala grup nomoa long laen blong Amoa. Pipol blong Israel i bin promis fo lukaftarem olketa, mekem trabol hemi no save kasem olketa. Bat King Sol hemi trae fo kilim olketa dae, bikos hemi laekem tumas olketa blong Israel an Jiuda fo tekova long lan blong olketa. So King Deved hemi kolem kam olketa man blong Gibeon,

2 Samuel 21:7

Nao bikos Deved an Jonatan i bin mekem wanfala promis long ae blong Yawe, hemi sevem Mefiboset, san blong Jonatan hu hemi san blong Sol.

Sams 15:4

Hemi no laekem olketa pipol wea i oltaem falom olketa ravis wei, bat hemi gohed fo tinghae long olketa pipol wea i gohed fo obeim yu. Hemi gohed olowe fo duim olketa samting wea hemi promisim, nomata hemi had tumas long hem.

Esikiel 17:13

Hemi tekem wanfala man wea hemi memba long laen blong king, an hemi mekem wanfala strongfala agrimen wetem hem, fo tufala kantri blong tufala bae save stap gudfala an no faet. An hemi fosim man ya fo mekem wanfala strongfala promis fo kipim disfala agrimen. Hemi fosim tu olketa lida blong yufala fo lusim lan ya,

Esikiel 17:16

“Mi mekem disfala strongfala promis long nem blong mi Lod Yawe hu mi laef olowe: Bae disfala man mas dae long Babilonia, bikos hemi no kipim agrimen ya wea hemi mekem wetem king blong Babilonia, an hemi no laek fo frengud wetem hem moa.

Hibrus 11:31

Disfala juri Rehab hemi biliv long God, an dastawe hemi lukaftarem gud tufala man blong Israel hu i kam fo lukluk haed long Jeriko. Olsem, olketa no kilim hem dae wetem olketa pipol hu i no obeim God.

Josua 6:17

Yumi mas spoelem finis evrisamting wea hemi stap insaet long taon ya. Bae yumi mas barava bonem, mekem hemi olsem wanfala tambu ofaring go long Yawe. Disfala juri woman ya nomoa, Rehab, wetem evriwan long famili blong hem wea i stap long haos blong hem, olketa ya nao bae yumi no kilim olketa dae, bikos hemi bin haedem tufala man blong yumi.

Josua 6:23

So tufala go insaet long haos blong woman ya, an tufala tekem hem kamaot, wetem mami an dadi blong hem, an olketa brata blong hem, wetem olketa narafala moa long famili blong hem. Olketa tekem olketa evriwan fo stap long wanfala gudfala ples kolsap long ples wea olketa Israel pipol i stap long hem.

Josua 9:15

Josua hemi mekem agrimen wetem olketa wea bae olketa kamap fren an bae olketa save stap laef. An olketa lida long laen blong Israel i sapotem hem an mekem strongfala promis long agrimen ya.

Jajis 1:25

So man ya hemi som wei long olketa, an olketa kilim dae olketa pipol long taon ya. Bat olketa no spoelem disfala man wetem famili blong hem.