Josua 4:9 - Pijin Bible

⁹ An Josua hemi hipimap tu tuelfala ston long midol long riva ya, long ples wea olketa prist hu i karim Tambu Boks ya i stanap long hem. (Hip ston ya hemi stap yet long ples ya ka-kam kasem tude.)

Pijin Deuterocanon

⁹ An Josua hemi hipimap tu tuelfala ston long midol long riva ya, long ples wea olketa prist hu i karim Tambu Boks ya i stanap long hem. (Hip ston ya hemi stap yet long ples ya ka-kam kasem tude.)

Josua 4:9 Iomraidhean Croise

Jenesis 26:33

Nao hemi kolem wel ya “Seba,” o “Strongfala Promis.” Dastawe, bihaen olketa kolem taon ya wea i stap kolsap long wel ya “Beereseba” o “Wel blong strongfala promis.”

Jenesis 28:18

Long eli moning yet, Jekob hemi stanap, nao hemi tekem ston ya wea hemi bin pilo long hem, nao hemi stanemap long wanfala en fo mekem wanfala memori blong samting ya long ples ya. Nao hemi tekem lelebet oliv oel, an hemi kapsaetem go long hem fo mektambu long hem fo God.

2 Samuel 4:3

Olketa pipol blong Beerot ya fastaem i bin ranawe an go stap olsem strensa nomoa long Gitaem go kasem tude.

1 Kings 18:31

Hemi tekem tuelfala ston fo makem olketa tuelfala traeb wea i bon kam bihaen long olketa tuelfala san blong Jekob, man wea Yawe hemi kolem hem Israel.

2 Kronikols 5:9

Tufala spesol stik ya i longfala tumas, an sapos eniwan hemi stanap long bikfala Tambu Rum, hemi save lukim en blong tufala spesol stik ya. Bat sapos hemi stanap aotsaet long Tambuhaos hemi no save lukim. Tufala spesol stik ya i stap yet long dea kam kasem tude.

Eksodas 24:12

Yawe hemi tok moa long Mosis olsem, “Yu kamap long mi antap long maonten ya, an weitem mi. Bae mi givim yu tufala flat ston, wea mi bin raetemdaon olketa tising an olketa lo blong mi long tufala fo tisim olketa pipol.”

Eksodas 28:21

Long wei ya nao, yu mas fasenem tuelfala ston wea hemi fitim namba long olketa san blong Jekob, wea i olsem tuelfala traeb blong Israel. An antap long olketa tuelfala ston ya, yu mas katem nem blong olketa tuelfala san blong Jekob, mekem evri ston hemi garem wanfala nem long hem.

Matiu 27:8

So kam kasem distaem, nem blong beregraon ya hemi “Pis lan blong Blad”.

Matiu 28:15

Taem olketa sekiuriti ya olketa tekem seleni ya nomoa, olketa go fo duim wanem olketa bin talem olketa fo duim nao. So diskaen stori ya hemi goraon olobaot long olketa Jiu nao ka-kam kasem distaem.

Diutronomi 34:6

Den Yawe hemi berem hem long wanfala vali long Moab kolsap long taon long Bet-Peo. Bat kam kasem tude, no eniwan hemi save stret ples wea beregraon blong hem hemi stap.

Josua 24:26

An hemi raetemdaon olketa lo an rul ya insaet long Buk long Lo blong God. An hemi tekem wanfala bikfala ston, an hemi stanemap long graon andanit long bikfala ok tri long holi ples ya blong Yawe long Sekem.

Josua 4:10

Olketa prist ya i gohed fo stanap long midol long riva ya, go-go kasem taem wea olketa man ya i finisim evrisamting wea Yawe hemi talem long Josua fo talem long olketa fo duim. Hem nao olketa samting wea Mosis bin talem long Josua. Olketa pipol i hariap fo go akros long riva,

Jajis 1:26

Bihaen, hem wetem famili blong hem i go stap long lan blong laen blong Het. Nao hemi wakem wanfala taon long eria ya, an hemi kolem tu ples ya Luj, an nem ya hemi stap yet.

1 Samuel 30:25

So Deved hemi mekem lo ya, an stat long datfala taem, olketa falom lo olowe long Israel, ka-kam kasem tude.

1 Samuel 7:12

Bihaen, Samuel hemi putumap wanfala bikfala ston long wanfala ples long midol long tufala taon long Mispa an Sen. An hemi kolem ston ya Ebeneser bikos hemi sei, “Yawe hemi helpem yumi kam kasem tude.”