Josua 4:22 - Pijin Bible

²² bae olketa save tok olsem, ‘Hem nao memori fo makem taem wea olketa grani blong yumi i katkros kam long Jodan Riva long drae graon nomoa.

Pijin Deuterocanon

²² bae olketa save tok olsem, ‘Hem nao memori fo makem taem wea olketa grani blong yumi i katkros kam long Jodan Riva long drae graon nomoa.

Josua 4:22 Iomraidhean Croise

Eksodas 14:22

Nao olketa pipol blong Israel i wakabaot long drae graon nomoa, long midol long tufala wol long solwata ya, wanfala wol long raetsaet blong olketa an narawan long lefsaet.

Eksodas 14:29

Bat olketa blong Israel bin wakabaot go nomoa long drae graon long midol long tufala wol ya long solwata, wea i stap long tufala saet blong olketa.

Eksodas 15:19

So, taem olketa blong Ijip i tekem olketa kaat fo faet wetem olketa draeva, an go insaet long si, Yawe hemi mekem solwata fo kambaek, an hemi kavaremap olketa, an olketa evriwan i draon. Bat olketa blong Israel i wakabaot go nomoa long drae graon fo narasaet long solwata ya.

Aesaea 44:27

Mi save tok nomoa, an dip si an olketa riva tu i kamap drae nao.

Aesaea 51:10

Yu nao yu divaedem si fo kamap drae. An yu nao yu mekem rod botom long si ya. Hem nao olketa pipol wea yu bin mekem olketa fri, save katkros go fo narasaet long drae graon.

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.

Josua 3:17

An taem olketa go akros, olketa prist i gohed fo stanap long midol long riva wea hemi drae finis, go-go kasem taem wea evriwan i go akros finis long narasaet.

Josua 4:21

Hemi tok olsem long olketa pipol blong Israel, “Taem wea olketa hu bae i bon kam bihaen long yumi i askem dadi blong olketa fo mining blong olketa ston ya,

Revelesin 16:12

Nao meksiks enjel hemi go kapsaetem baol blong hem insaet long Yufretis Riva. An bikfala riva ya hemi kamap drae nao. Long wei ya hemi openem rod, mekem olketa king hu i stap kam long ist wetem olketa ami blong olketa, i save wakabaot kam.