Josua 4:13 - Pijin Bible

¹³ Samting olsem 40,000 soldia wea i karim olketa samting fo faet nao i gopas long frant long Yawe. Olketa go an stap long bikfala flat ples ya kolsap long Jeriko.

Pijin Deuterocanon

¹³ Samting olsem 40,000 soldia wea i karim olketa samting fo faet nao i gopas long frant long Yawe. Olketa go an stap long bikfala flat ples ya kolsap long Jeriko.

Josua 4:13 Iomraidhean Croise

2 Kings 25:5

Bat olketa soldia blong Babilonia i aftarem olketa an kasem King Sedekaea long bikfala flat eria kolsap long taon long Jeriko, bat olketa soldia blong king ya i ranawe from hem.

Eksodas 13:18

So God hemi lidim olketa goraon long narafala rod wea i gotru long drae eria fo go long Red Si. An taem olketa go, olketa redi olowe fo faet.

Jeremaea 39:5

Bat olketa soldia blong Babilonia i aftarem olketa an kasholem king long disfala vali kolsap long taon long Jeriko. Olketa tekem hem go long King Nebukadnesa wea hemi stap long lan long Hamat farawe long not, long taon long Ribla, nao king ya hemi jajem hem long datfala ples.

Jeremaea 52:8

Bat olketa soldia blong Babilonia i aftarem olketa an kasem King Sedekaea long vali kolsap long taon long Jeriko, bat olketa soldia blong king ya i ranawe from hem.

Efesas 6:11

Yufala mas werem evrisamting fo faet wea God hemi givim kam long yufala, mekem yufala save fit fo stopem olketa ravis plan blong Seitan.

Diutronomi 3:18

“An long datfala taem, mi tokstrong olsem long olketa long traeb blong Ruben, Gad an Manase, ‘Yawe, God blong yufala, hemi givim finis disfala lan long yufala fo onam. Bat taem yumi krosim Jodan Riva, bae olketa soldia blong yufala mas karim go olketa wepon an go fastaem long olketa wantok blong yufala long pipol blong Israel.

Josua 4:12

Bihaen, traeb blong Ruben, wetem traeb blong Gad an haf long traeb blong Manase, olketa karim olketa samting fo faet an go fastaem long olketa narafala pipol blong Israel, olsem wea Mosis bin talem bifoa.

Josua 4:14

Wanem Yawe bin duim fo olketa long datfala de, hemi mekem evriwan blong Israel fo haemapem Josua olsem bikman blong olketa. Olketa pipol ya i gohed fo tinghae long hem olowe long laef blong hem olsem wea olketa bin tinghae long Mosis bifoa.

Josua 5:10

Long ivining long mekfotin de blong mans ya, taem olketa stap yet long Gilgal, long flat ples kolsap Jeriko, olketa mekem Fist blong Pasova.

Jajis 20:1

Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.