Josua 4:12 - Pijin Bible

¹² Bihaen, traeb blong Ruben, wetem traeb blong Gad an haf long traeb blong Manase, olketa karim olketa samting fo faet an go fastaem long olketa narafala pipol blong Israel, olsem wea Mosis bin talem bifoa.

Pijin Deuterocanon

¹² Bihaen, traeb blong Ruben, wetem traeb blong Gad an haf long traeb blong Manase, olketa karim olketa samting fo faet an go fastaem long olketa narafala pipol blong Israel, olsem wea Mosis bin talem bifoa.

Josua 4:12 Iomraidhean Croise

Eksodas 13:18

So God hemi lidim olketa goraon long narafala rod wea i gotru long drae eria fo go long Red Si. An taem olketa go, olketa redi olowe fo faet.

Diutronomi 3:18

“An long datfala taem, mi tokstrong olsem long olketa long traeb blong Ruben, Gad an Manase, ‘Yawe, God blong yufala, hemi givim finis disfala lan long yufala fo onam. Bat taem yumi krosim Jodan Riva, bae olketa soldia blong yufala mas karim go olketa wepon an go fastaem long olketa wantok blong yufala long pipol blong Israel.

Diutronomi 33:21

Yufala siusimaot olketa gudfala lan wea yufala laekem nomoa. Yufala tekova long lan wea hemi fitim bikman. An taem olketa lida blong pipol blong Israel i kam tugeta, yufala obeim olketa gudfala lo blong Yawe, an yufala falom olketa strongfala toktok blong hem.

Josua 1:14

Olketa waef blong yufala wetem olketa pikinini blong yufala an olketa animol blong yufala bae i stap long hia, long lan wea Mosis hemi givim finis long yufala long disfala saet long Jodan Riva. Bat evri man long yufala hu i save faet, olketa mas karim evrisamting blong olketa fo faet. Olketa mas go fastaem long mifala fo katkros go long narasaet fo helpem mifala long faet,

Josua 4:11

an taem olketa kasem narasaet, olketa prist hu i karim Tambu Boks long Spesol Agrimen blong Yawe i go fastaem moa long olketa.

Josua 4:13

Samting olsem 40,000 soldia wea i karim olketa samting fo faet nao i gopas long frant long Yawe. Olketa go an stap long bikfala flat ples ya kolsap long Jeriko.