Josua 3:17 - Pijin Bible

¹⁷ An taem olketa go akros, olketa prist i gohed fo stanap long midol long riva wea hemi drae finis, go-go kasem taem wea evriwan i go akros finis long narasaet.

Pijin Deuterocanon

¹⁷ An taem olketa go akros, olketa prist i gohed fo stanap long midol long riva wea hemi drae finis, go-go kasem taem wea evriwan i go akros finis long narasaet.

Josua 3:17 Iomraidhean Croise

2 Kings 2:8

Den Profet Elaeja hemi tekemaot longfala kaleko blong hem an rolemap. Hemi hitim wata long hem, an semtaem nomoa, wata ya hemi divaed long tufala haf. So tufala wakabaot long drae graon fo go long narasaet.

Sams 66:6

Hemi mekem si fo divaed long tufala haf, an ples ya hemi kamap drae, an hemi mekem riva fo drae, nao olketa grani blong yumi bifoa i wakabaot nomoa fo katkros go long narasaet. Hem nao yumi hapi tumas long samting ya wea hemi bin duim.

Eksodas 14:21

Long taem ya, Mosis hemi liftimap han blong hem antap long solwata, an long datfala naet Yawe hemi mekem ist win hemi blou strong, an hemi divaedem solwata ya long tufala haf. Win ya hemi gohed fo blou strong olsem, mekem ples long midol long tufala haf long solwata ya hemi kamap barava drae.

Eksodas 14:22

Nao olketa pipol blong Israel i wakabaot long drae graon nomoa, long midol long tufala wol long solwata ya, wanfala wol long raetsaet blong olketa an narawan long lefsaet.

Eksodas 14:29

Bat olketa blong Israel bin wakabaot go nomoa long drae graon long midol long tufala wol ya long solwata, wea i stap long tufala saet blong olketa.

Aesaea 25:8

Lod Yawe nao bae hemi finisim dae, an draemap tias blong evriwan. An bae hemi tekemaot sem from olketa pipol long wol. Yawe nao hemi talem diswan, an bae hemi mas hapen.

Nambas 33:51

“Talem pipol blong Israel wea taem yufala krosim Jodan Riva fo go long lan blong Kenan,

Hibrus 11:29

Olketa pipol blong Israel i biliv long God, an dastawe olketa save katkros long disfala solwata long Red Si ya, olsem olketa wakabaot long drae ples nomoa. Bat taem ami blong Ijip olketa trae fo katkros olsem tu, solwata ya i kavaremap evriwan long olketa nao.

Josua 4:1

Taem evri pipol blong Israel i go akros finis long Jodan Riva, Yawe hemi tok olsem long Josua,

Josua 4:10

Olketa prist ya i gohed fo stanap long midol long riva ya, go-go kasem taem wea olketa man ya i finisim evrisamting wea Yawe hemi talem long Josua fo talem long olketa fo duim. Hem nao olketa samting wea Mosis bin talem long Josua. Olketa pipol i hariap fo go akros long riva,

Josua 4:11

an taem olketa kasem narasaet, olketa prist hu i karim Tambu Boks long Spesol Agrimen blong Yawe i go fastaem moa long olketa.

Josua 4:22

bae olketa save tok olsem, ‘Hem nao memori fo makem taem wea olketa grani blong yumi i katkros kam long Jodan Riva long drae graon nomoa.

Josua 4:3

An yu tokstrong long olketa fo karim tuelfala bikfala ston, stret from ples wea olketa prist i stanap long hem. Olketa mas karim olketa ston ya an putum long ples wea bae yufala stap long hem tunaet.”

Josua 5:1

Evri sif long Amoa wea olketa stap long west saet long Jodan Riva an evri sif long Kenan wea i stap kolsap long Mediterenian Si, olketa herem nius wea Yawe hemi mekem Jodan Riva fo kamap drae, mekem olketa blong Israel i save kam akros long riva ya. So olketa fraet tumas long olketa blong Israel an tingting blong olketa hemi barava wikdaon.