Josua 3:14 - Pijin Bible

^14-15 Long datfala taem, Jodan Riva hemi gohed fo ran bikfala, an hemi taem fo tekemaot kaikai long gaden. Taem olketa pipol ya i goaot from ples wea olketa stap long hem fo katkros long riva ya, olketa prist i karim Tambu Boks ya an go fastaem, an olketa pipol i go bihaen long olketa. Long semtaem wea olketa prist ya i step long wata insaet long riva ya,

Pijin Deuterocanon

^14-15 Long datfala taem, Jodan Riva hemi gohed fo ran bikfala, an hemi taem fo tekemaot kaikai long gaden. Taem olketa pipol ya i goaot from ples wea olketa stap long hem fo katkros long riva ya, olketa prist i karim Tambu Boks ya an go fastaem, an olketa pipol i go bihaen long olketa. Long semtaem wea olketa prist ya i step long wata insaet long riva ya,

Josua 3:14 Iomraidhean Croise

Sams 132:8

Lod Yawe, plis yu kam an stap olowe long ples blong yu wetem Tambu Boks ya wea hemi saen blong bikfala paoa blong yu.

Jeremaea 3:16

Long datfala taem wea yufala kamap plande, bae yufala no tingim an tokabaotem moa Tambu Bokis blong Spesol Agrimen wetem mi. An bae yufala no nid fo wakem narafala tambu bokis moa.

Diutronomi 31:26

“Yufala tekem disfala Buk blong Lo blong Yawe, God blong yufala. Yufala go putum long saet long Tambu Boks blong Spesol Agrimen blong hem. Hem nao hemi olsem wanfala witnes agensim yufala blong Israel sapos yufala falom olketa ravis wei.

Hibrus 9:4

An insaet long disfala rum ya, olketa kipim disfala olta fo bonem insens long hem wetem Tambu Boks long Spesol Agrimen blong God. Olta an boks ya, olketa kavarem tufala evriwan long gol long evri saet blong hem. An insaet long boks ya, olketa kipim disfala botol long gol wea lelebet kaikai wea olketa kolem “mana” nao hemi stap insaet long hem. An insaet long boks tu, disfala wokingstik blong Eron hemi stap wea hemi bin groubaek moa olsem tri wea hemi garem lif an flaoa an frut long hem. An narasamting long boks ya tu, hemi tufala ston wea God hemi bin raetemdaon Lo long tufala.

Josua 24:11

‘Taem yufala krosim Jodan Riva fo go long Jeriko, olketa pipol blong Jeriko i kamaot fo faetem yufala, bat mi nao mi mekem yufala fo winim olketa. Bihaen, olketa long laen blong Amoa, an olketa long laen blong Peres, an olketa long laen blong Kenan, an olketa long laen blong Het, an olketa long laen blong Gigas, an olketa long laen blong Hivi, an olketa long laen blong Jebus i faet agensim yufala. Bat mi nao mi mekem yufala fo winim olketa evriwan long faet.

Josua 3:3

an tok olsem long olketa, “Taem yufala lukim olketa prist long traeb blong Livae i wakabaot go an karim Tambu Boks long Spesol Agrimen blong Yawe hu hemi God blong yumi, yufala mas falom olketa.

Josua 3:6

Long neks de, Josua hemi tok olsem long olketa prist ya, “Yufala karim Tambu Boks ya, an go fastaem long evriwan. Nao evriwan bae i go bihaen long yufala.” An olketa duim nao wanem hemi talem.

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”