Josua 3:1 - Pijin Bible

¹ Eli moning long neks de, Josua wetem evri pipol blong Israel i getap an lusim ples ya blong olketa Akesia tri an go fo stap kolsap long Jodan Riva. Olketa weit long ples ya fo katkros go long narasaet.

Pijin Deuterocanon

¹ Eli moning long neks de, Josua wetem evri pipol blong Israel i getap an lusim ples ya blong olketa Akesia tri an go fo stap kolsap long Jodan Riva. Olketa weit long ples ya fo katkros go long narasaet.

Josua 3:1 Iomraidhean Croise

Jenesis 21:14

Long eli moning yet, long neks de, Ebraham hemi tekem samfala kaikai an bikfala botol long wata, an givim go long slev woman ya, an hemi letem boe ya fo go long hem, nao hemi sendem tufala fo goaot from ples ya. Nao tufala goaot, an wakabaot olobaot nomoa long drae eria ya olketa kolem long Beereseba.

Jenesis 22:3

Long eli moning yet long neks de, Ebraham hemi go katem faeawud fo bonem sakrifaes, an hemi putum goap long baeksaet blong dongki blong hem. Nao hemi tekem pikinini blong hem ya wetem tufala wakaman blong hem, an olketa gohed fo wakabaot go long ples ya wea God hemi bin talem hem.

Sams 119:60

Mi nating weit nao fo falom olketa strongfala toktok blong yu.

Jeremaea 25:3

“Olketa. Fo tuenti-tri yia finis, Yawe hemi gohed fo talemaot Mesij blong hem long mi, stat long mektetin yia wea King Josaea, san blong King Amon, hemi rul long Jiuda kam kasem tude. An oltaem nomoa, mi gohed fo talemaot evrisamting wea Yawe hemi talem long mi, bat oltaem yufala les fo lisin.

Jeremaea 7:13

Long taem wea yufala bin gohed fo duim olketa ravis samting ya, mi bin traem fo toktok long yufala, bat yufala les tumas fo lisin long mi. Mi bin gohed fo kol kam long yufala, bat yufala no ansa nomoa.

Maeka 6:5

!Olketa pipol blong mi! Yufala tingting gobaek long evrisamting wea King Balak blong Moab hemi laek fo duim agensim olketa grani blong yufala, an tingim ansa wea Balam, san blong Beo, hemi givim long hem. Tingim gobaek tu olketa samting wea hemi hapen long rod, long taem wea olketa evriwan i goaot from Akesia fo go long Gilgal. Hemi gud fo yufala mas tingting gobaek gudfala long evrisamting ya, an bae yufala save long evrisamting wea mi bin duim long datfala taem fo sevem olketa grani blong yufala.”

Nambas 25:1

Long datfala taem, pipol blong Israel i stap long bikfala flat ples long Akesia. An samfala man blong Israel i stat fo durong wetem olketa woman blong Moab.

Gudnius abaotem Jisas Kraes wea Mak hemi raetem 1:35

Long barava eli moning, taem san hemi no kamap yet, Jisas hemi wekap nomoa an hemi go nao long wanfala ples wea no eniwan stap long hem, an hemi prea.

Josua 2:1

Taem Josua wetem olketa narafala traeb blong Israel i gohed fo stap long ples blong olketa Akesia tri, hemi sendem tufala man fo go long Kenan fo lukluk haed long taon long Jeriko an olketa ples raonem. An taem tufala gohaed insaet long taon ya, an long naet, tufala go slip long haos blong wanfala juri woman, wea nem blong hem nao Rehab.

Josua 6:12

Eli moning long neks de, Josua hemi getap, an hemi tekem olketa fo maas raonem taon ya moa, an olketa duim olsem wea olketa bin duim long fas de. Olketa falom sem laen wea olketa bin gohed fo falom long fas de.

Josua 6:15

Eli moning long mekseven de, olketa getap moa fo maas raonem taon ya olsem wea olketa bin duim finis fo siksfala de ya fastaem. Bat long datfala de, olketa maas raonem taon ya sevenfala taem.

Josua 7:16

Eli moning long neks de, Josua hemi tekem kam olketa traeb blong Israel fo kam long frant long Tambu Haostent fo faendemaot man hu hemi duim disfala nogud samting. An Yawe hemi makem traeb blong Jiuda.

Josua 8:10

Eli moning long neks de, Josua hemi kolem olketa soldia fo kam tugeta. Nao hem wetem olketa narafala lida blong Israel i lidim ami ya fo go long Ai.

Jajis 20:19

Long moning long neks de, ami blong Israel hemi muv go kolsap long Gibea.

1 Samuel 17:20

So long neks de, long eli moning, Deved hemi sendem wanfala long olketa man blong hem fo go lukaftarem olketa sipsip. Den hemi tekem olketa kaikai ya an hemi go olsem wea dadi blong hem hemi bin talem hem. Hemi kasem ples blong ami long semtaem wea olketa soldia i stanbae fo faet, an long taem wea olketa singaot bikfala fo faet.