Josua 24:33 - Pijin Bible

³³ Taem Eliesa wea hemi san blong Eron hemi dae, olketa berem hem long Gibea long olketa hil long eria blong Efrem, insaet long lan wea olketa givim long san blong hem Finehas.

Pijin Deuterocanon

³³ Taem Eliesa wea hemi san blong Eron hemi dae, olketa berem hem long Gibea long olketa hil long eria blong Efrem, insaet long lan wea olketa givim long san blong hem Finehas.

Josua 24:33 Iomraidhean Croise

2 Samuel 20:21

Hemi no plan blong mifala. Mifala kam fo wanfala man nomoa, nem blong hem Seba, san blong Bikri. Hemi wanfala man blong olketa hil long Efrem. Hemi gohed fo agensim King Deved. Sapos yufala tekem kam man ya, bae mifala lusim taon blong yufala.” Oraet, woman ya hemi tok olsem, “!Yufala weit long ples ya! Bae mifala torowem go aotsaet hed blong hem long yufala.”

1 Kings 4:8

Nem blong olketa tuelfala gavna ya, wetem nem blong olketa ples wea olketa ovarem i olsem: Ben-Hua, hemi lukaftarem olketa ples blong hil long distrik blong Efrem.

2 Kings 5:22

An Gehasi hemi tok olsem, “Ya, evrisamting hemi oraet nomoa, bat masta blong mi hemi sendem mi kam fo tok long yu olsem, ‘Distaem nomoa tufala yangfala profet i jes kam. Tufala kam from olketa hil long distrik blong Efrem, plis yu givim kam teti-foa kilo silva, an tufala nambawan kaleko fo tufala.’ ”

Stori abaotem Job 30:23

Mi save dat bae yu aotem laef blong mi, an bae mi godaon insaet long grev olsem evri nara man.

Sams 49:10

Evriwan i save, wea nomata man hemi waes, hemi sem nomoa olsem man wea hemi no save, an man wea hemi krangge. Ya, olketa evriwan i mas dae. Olketa evriwan bae i lusim go nomoa olketa gudfala samting blong olketa, fo olketa narafala pipol.

Eksodas 6:23

Eron ya, hemi maritim Eliseba hu hemi dota blong Aminadab an sista blong Nason. Eron an Eliseba i garem fofala san, wea nem blong olketa nao, Nadab, an Abihu , an Eleasa, an Itama.

Eksodas 6:25

Eleasa, san blong Eron, hemi maritim dota blong Putiel, an tufala ya i garem wanfala san, wea nem blong hem nao Finehas. Hem nao nem blong olketa bikman long olketa laen long traeb blong Livae.

Sekaraea 1:5

Olketa grani blong yufala, olketa dae finis. An olketa profet ya, distaem no eniwan long olketa hemi stap laef.

Nambas 3:32

Eleasa, san blong Eron, hemi bos long olketa Livaet. An waka blong hem hemi fo lukaftarem olketa man hu i waka long Tambu Haostent.

Aposol 13:36

Yumi save, taem Deved hemi laef yet, hemi duim wanem God hemi laekem hem fo duim. Bat taem hemi dae, olketa berem hem wetem olketa olo blong hem, an bodi blong hem hemi go roten.

Hibrus 7:24

Bat Jisas hemi laef olowe ya. An bae hemi stap fo waka olsem prist olowe nao.

Josua 14:1

Nao Haeprist Eliesa wetem Josua an olketa lida blong evri famili long traeb blong Israel i divaedem lan long Kenan wea hemi stap long west saet long Jodan riva fo go long olketa pipol hu i no garem eni lan yet.

Josua 22:13

Bat olketa sendem prist ya Finehas fo go long Gilead mekem hemi lukim fastaem olketa wantok blong olketa ya. Dadi blong Finehas nao Eliesa, an hem nao hemi Haeprist long datfala taem.

Jajis 17:8

Go-go hemi lusim Betlehem fo faendem narafala ples fo stap long hem. Taem hemi wakabaot go, hemi kasem ples blong Maeka long olketa maonten long lan blong Efrem.

Jajis 18:13

Olketa goaot moa from ples ya an kasem ples blong Maeka wea hemi long olketa maonten long lan blong Efrem.

1 Samuel 1:1

Bifoa kam, wanfala man wea nem blong hem Elkana, hemi stap long taon long Rama long olketa hil long Efrem. Dadi blong hem nao Jeroham, an grani blong hem nao Elihu. Olketa ya i bon kam bihaen long Tohu, wea hemi long laen blong Suf long eria blong Efrata.

1 Samuel 9:4

So Sol hemi tekem wanfala wakaman, an tufala go nao long olketa hil long distrik long Efrem fo lukaotem olketa dongki ya, an long eria raonem Salisa, bat tufala no faendem olketa. Bihaen, tufala go long eria long Saalim, bat tufala no faendem olketa long eria ya tu. Oraet, tufala go insaet long distrik blong Benjamin, bat olketa dongki ya i no stap long distrik ya tu.