Josua 24:28 - Pijin Bible

²⁸ Bihaen, Josua hemi sendem olketa pipol fo gobaek long olketa ples wea olketa stap long hem.

Pijin Deuterocanon

²⁸ Bihaen, Josua hemi sendem olketa pipol fo gobaek long olketa ples wea olketa stap long hem.

Josua 24:28 Iomraidhean Croise

Nehemaea 11:20

Olketa narafala pipol blong Israel, wea samfala i prist, an samfala i Livaet, olketa ya gohed fo stap long ples blong olketa famili long olketa taon long Jiuda, long graon wea olketa seleva i onam.

Nambas 36:7

Evriwan blong yufala long Israel mas stap long lan blong laen blong hem nomoa. Dastawe lan blong eniwan hemi mas stap long han blong laen blong hem nomoa an yufala no save mekem lan hemi go long deferen laen fo olketa onam.

Nambas 36:9

An bae lan ya hemi no save goaot from laen blong hem fo go long narafala laen. Bae evri laen mas kipim olowe disfala lan blong laen ya nomoa.”

Josua 22:6

Josua hemi blesim olketa, an hemi tok olsem long olketa, “Yufala save gohom nao. Distaem yufala kamap ris fogud wea yufala garem plande animol, an plande silva, an gol, an bras, an aean, an plande kaleko tu. Yufala mas tekem olketa samting wea yufala winim long faet from olketa enemi blong yumi, an divaedem go long olketa long traeb blong yufala.” An taem hemi talem toktok long olketa finis, olketa gohom nao. Bifoa, Mosis hemi bin givim lan go long wanfala haf long olketa traeb blong Manase, an lan ya hemi stap long ist, long eria long Basan long narasaet long Jodan Riva. Bat bihaen, Josua hemi givim lan long narafala haf long traeb ya, long narasaet long Jodan Riva long saet long west, long sem ples wea olketa narafala traeb i stap long hem.

Josua 24:27

An hemi tok olsem long olketa evriwan, “Bikfala ston ya nao bae hemi olsem witnes blong yumi, bikos hemi olsem wanfala man wea hemi herem evri toktok wea Yawe hemi givim long yumi. Bae hemi olsem witnes fo talemaot sapos yufala duim enisamting agensim God blong yumi.”

Josua 24:29

Bihaen, Josua hu hemi wakaman blong Yawe, hemi dae taem hemi kasem 110 yia.

Jajis 2:6

Bifoa kam, Josua hemi sendemaot olketa pipol blong Israel. An evriwan long olketa hemi go fo tekem ples blong hem insaet long lan wea God hemi promisim.