Josua 24:2 - Pijin Bible

² Josua hemi tok olsem long olketa, “Yumi evriwan i olketa traeb blong Israel wea Yawe nao hemi God blong yumi. Hemi tok olsem, ‘Long bifoa kam, olketa grani blong yumi i stap farawe long narasaet long Yufretis Riva, an olketa gohed nomoa fo wosipim olketa narafala god. An wanfala long olketa grani blong yumi wea nem blong hem nao Tera, hemi garem tufala san wea nem blong tufala nao Ebraham an Nehoa.

Pijin Deuterocanon

² Josua hemi tok olsem long olketa, “Yumi evriwan i olketa traeb blong Israel wea Yawe nao hemi God blong yumi. Hemi tok olsem, ‘Long bifoa kam, olketa grani blong yumi i stap farawe long narasaet long Yufretis Riva, an olketa gohed nomoa fo wosipim olketa narafala god. An wanfala long olketa grani blong yumi wea nem blong hem nao Tera, hemi garem tufala san wea nem blong tufala nao Ebraham an Nehoa.

Josua 24:2 Iomraidhean Croise

Jenesis 11:22

Taem Serug hemi kasem 30 yia hemi bonem Nehoa.

Jenesis 11:24

Taem Nehoa hemi kasem 29 yia hemi bonem Tera.

Jenesis 11:26

An Tera hemi kasem 70 yia, nao hemi bonem Ebram, an Nehoa, an Haran.

Jenesis 11:27

Stori abaotem laen blong Tera hemi olsem: Hem ya nao olketa wea i bon kam long laen blong oloman Tera hemi olsem. Olketa pikinini boe blong hem nao, hemi Ebram, an Nehoa, an Haran. An olketa pikinini blong Haran nao, hemi Lot, an Milka, an Iska. Nao Haran hemi dae long taon long Ur, long Kaldia, bat dadi blong hem hemi laef yet. Nao Ebram hemi maritim wanfala gele, nem blong hem Sarae, an Nehoa hemi maritim Milka, dota blong brata blong hem.

Jenesis 31:19

Bat taem wea Laban hemi goaot fo katem hea blong olketa sipsip blong hem, Resel hemi go an stilim olketa smolfala kaving long olketa laea god blong dadi blong hem wea i stap insaet long haos.

Jenesis 31:30

?Mi save dat yu laekem tumas fo gobaek long ples blong yu, bat waswe nao yu stilim olketa smolfala kaving blong god blong mi ya wea olketa stap insaet long haos blong mi?”

Jenesis 31:32

Bat sapos yu faendem eniwan long mifala hemi stilim olketa god blong yu ya, man ya bae hemi mas dae. Olketa man ya long laen blong yu nao bae olketa save witnes long yumi. Yu save lukaotem olketa god blong yu ya. An sapos yu faendem enisamting wea hemi blong yu, yu save tekem.” Hemi no save nomoa dat Resel nao hemi bin stilim olketa kaving ya, an hemi gohed fo haedem olketa.

Jenesis 31:53

Letem God blong olketa olo blong yumitufala, Ebraham an Nehoa, hemi panisim eniwan long yumitufala hu hemi brekem promis ya.” So Jekob hemi promis long nem blong God wea dadi blong hem Aesak hemi gohed fo wosipim olsem bae hemi kipim promis ya wea Laban hemi bin mekem wetem hem.

Jenesis 35:4

So olketa tekem olketa god blong olketa narafala kantri, an olketa iaring blong olketa tu wea olketa putum, nao olketa tekem evrisamting ya kam, an givim long Jekob. Nao hemi goaot from taon ya an berem olketa samting ya long botom blong ok tri ya kolsap long Sekem taon.

1 Kronikols 1:27

An Tera hemi bonem Ebram, wea God hemi sensim nem blong hem an kolem hem Ebraham.

Aesaea 51:2

Yufala tingim tu tufala olo blong yufala Ebraham an Sara wea yufala bin bon kam long laen blong tufala. Long taem wea mi bin kolem Ebraham hemi nating garem eni pikinini, bat mi blesim hem an givim wanfala pikinini boe long tufala. An mi mekem olketa hu i bon kam bihaen long hem fo kamap plande fogud.

Esikiel 16:3

Yu talem olketa dat mi Lod Yawe nao mi tok olsem long yufala: !Jerusalem! Yu olsem wanfala smolfala gele wea hemi bon long lan long Kenan. Dadi blong yu hemi bon kam long laen blong Amoa, an mami blong yu hemi bon kam long laen blong Het.

Gudnius abaotem Jisas Kraes wea Luk hemi raetem 3:34

Jiuda hemi san blong Jekob. Jekob hemi san blong Aesak. Aesak hemi san blong Ebraham. Ebraham hemi san blong Tera. Tera hemi san blong Nehoa.

Diutronomi 26:5

Den long frant long Yawe, bae yu mas talemaot olketa toktok olsem, ‘Olo blong mi, hemi man blong Aram, an hemi no garem eni ples blong hem seleva. Hemi tekem olketa famili blong hem go stap long Ijip. Taem olketa go, olketa i no plande, bat taem olketa stap long ples, olketa kamap wanfala nesin wea i strong, an i garem plande traeb long hem.

Josua 24:15

Distaem sapos yufala no laek fo falom hem, yufala mas siusim wanem god nao yufala laekem. Sapos yufala laek fo falom olketa laea god ya blong olketa pipol blong Mesopotemia, wea olketa grani blong yumi bifoa i bin wosipim olketa, hemi saet blong yufala nao. O sapos yufala laek fo falom olketa laea god blong olketa long laen blong Amoa wea yumi stap long lan blong olketa distaem, hemi saet blong yufala tu. Bat mi, wetem olketa long famili blong mi, bae mifala falom nomoa Yawe.”