Josua 24:18 - Pijin Bible

¹⁸ An long taem wea yumi gohed fo ka-kam insaet long disfala lan, Yawe nao hemi gohed fo ronemaot olketa long laen blong Amoa wetem olketa narafala pipol moa wea i stap long ples ya. So bae mifala tu mas falom hem, bikos hem nao hemi God blong yumi.”

Pijin Deuterocanon

¹⁸ An long taem wea yumi gohed fo ka-kam insaet long disfala lan, Yawe nao hemi gohed fo ronemaot olketa long laen blong Amoa wetem olketa narafala pipol moa wea i stap long ples ya. So bae mifala tu mas falom hem, bikos hem nao hemi God blong yumi.”

Josua 24:18 Iomraidhean Croise

Sams 116:16

Lod Yawe, mi wakaman blong yu olsem mami blong mi bifoa. Yu nao yu bin sevem mi from dae.

Eksodas 10:2

Mi duim disfala samting, mekem yufala save talemaot long olketa pikinini blong yufala an long olketa smolfala grani blong yufala, wea mi bin mekful long pipol blong Ijip taem mi mekem olketa mirakol ya long ae blong olketa. An from disfala samting nao, bae yufala evriwan i save, wea mi nao Yawe.”

Eksodas 15:2

Yawe hemi mekem mi strong, an hemi mekem mi save sing long hem. An hem nao hemi sevem mi. Hem nao God blong mi an bae mi preisim hem olowe. Hemi God blong dadi blong mi, an bae mi liftimap nem blong hem.

Eksodas 23:31

An bae mi mekem spialaen long lan blong yufala fo stat long Red Si long saot go-go kasem Yufretis Riva long not, an stat long Mediterenian Si long west go-go kasem bikfala drae eria long ist. Bae mi mekem yufala strong an garem paoa fo tekova long olketa pipol blong lan ya, an bae yufala ronemaot olketa nomoa, taem yufala gohed fo muv go insaet long lan ya.

Maeka 4:2

An bae olketa ya i tok olsem, “Kam, yumi go antap long maonten blong Yawe hu hemi God blong Jekob. Ya, yumi go wosipim hem long Tambuhaos. An bae Yawe hemi tisim yumi long olketa wei blong hem, nao bae yumi save falom olketa wei ya.” Bae olketa duim diswan bikos oltaem Mesij blong Yawe bae hemi goaot long Jerusalem, an bae hemi gohed fo tisim olketa pipol long olketa wei blong hem.

Sekaraea 8:23

Long datfala taem, tenfala strensa wea langguis blong olketa hemi deferen, bae i holem kaleko blong wanfala Jiu, an tok olsem long hem, ?Plis yu letem mifala fo go wetem yufala long Jerusalem, bikos mifala herem dat God hemi stap wetem yufala.??

Aposol 7:45

An bihaen, Josua an olketa nara olo blong yumi, olketa kam fo tekem disfala kantri from olketa deferen laen wea olketa stap long hem. God nao hemi raosimaot olketa, mekem olketa ranawe from olketa olo blong yumi. Long taem ya, olketa tekem kam disfala haostent wea olketa holem fastaem, an hemi stap long hia go-go kasem taem blong King Deved.

Diutronomi 10:21

Yufala mas mekhae long Yawe. Hem nomoa hemi God blong yufala. An yufala lukim olketa barava bikfala samting wea hemi save mekem man fraet.

Diutronomi 33:27

Yufala save stap sef long God hu hemi stap olowe. Oltaem nomoa, hemi gohed fo holem yufala long han blong hem. Long taem wea hemi talem yufala fo spoelem enemi blong yufala, bae hemi ronemaot olketa.

Josua 23:9

Olketa pipol hu i stap long olketa ples ya bifoa, olketa plande tumas an strong fo faet tu. Bat oltaem, taem yufala go fo faetem olketa, Yawe nao hemi gohed fo ronem olketa frant long ae blong yufala. An evritaem, no eniwan long olketa enemi blong yufala i save winim yufala.

Josua 24:17

Taem olketa olo blong yumi i wakaslev long Ijip, Yawe nao hemi tekem olketa aot, an hemi mekem yumi evriwan i fri, an mifala bin lukim olketa mirakol wea hemi bin duim long datfala taem. Hem nao hemi gohed fo gadem yumi long evri ples wea yumi bin go long hem, an long ae blong olketa pipol wea yumi gopas long lan blong olketa.

Josua 24:19

Josua hemi tok olsem moa long olketa traeb blong Israel, “Sapos yufala falom olketa narafala god bae yufala no fit fo falom Yawe, bikos hemi barava holi tumas, an hemi les fo yufala wosipim eni narafala god moa. An sapos yufala falom olketa narafala god bae hemi no save fogivim yufala, an hemi no save tekemaot olketa sin blong yufala.